Umuhanzi nyarwanda Kitoko Bibarwa uri kubarizwa mu gihugu cy’u Bwongereza agiye gushyira hanze alubumu nshya y’indirimbo z’amashusho yise Pole Pole, ikaba igizwe n’indirimbo eshanu zirimo iyo yise Amadayimoni.
Nyuma yo gushyira hanze indirimbo “Am in love” yakoranye n’umuhanzikazi Sheeba Karungi wo muri Uganda, Kitoko yatangarije Inyarwanda.com ko mu gihe cya vuba nko mu byumweru bitatu biri imbere, agiye gushyira hanze indirimbo z’amashusho zigize alubumu ye nshya yise Pole Pole.
Usibye kuba iyo alubumu ye Pole Pole benshi bayifitiye amatsiko, bitewe nuko indirimbo ziyigize ari nshya mu matwi y’abakunzi b’ibihangano bye, zikaba zizajya hanze zigaragaza amashusho, ikindi giteye amatsiko cyane ni indirimbo iri kuri iyo alubumu yitwa Amadayimoni. Ku bijyanye n'imyambarire aho agaragara yambaye nk'ingabo, Kitoko yavuze ko ari ubutumwa buri mu ndirimbo ye Pole Pole ari nayo yitiriwe alubumu ye nshya.
“Pole Pole”Alubumu nshya y’indirimbo z’amashusho Kitoko agiye gushyira hanze harimo indirimbo eshanu arizo: Hatuwezi Kurudi,Ninde,Pole Pole, Biragoye n’indi yitwa Amadayimoni. Izi ndirimbo ze zigiye kujya hanze nyuma y’izindi yakoze muri 2015 zigakundwa cyane n’abakunzi be n’ab’umuziki nyarwanda muri rusange.
REBA HANO AM IN LOVE YA KITOKO NA SHEEBA KARUNGI
Eng
RSS 
TANGA IGITECYEREZO