Muri iyi minsi umwe mu bahanzi bagezweho hano mu Rwanda unafite abakunzi batari bake ni Jules Sentore, uyu wamamaye cyane kubera ukuntu yihebeye injyana gakondo kuri ubu ni numwe mu bahanzi bitezweho kuba bazamura ibendera rya muzika y'u Rwanda mu ruhando mpuzamahanga. kuri ubu Sentore yashyize hanze indirimbo ahuriyemo nababyara be.
Aganira na Inyarwanda.com Jules Sentore yadutangarije ko mu mpano afite atari ukuririmba gakondo gusa ahubwo ko n'izindi njyana yazikora, icyakora aha ngaha avuga ko injyana iyo ariyo yose yaririmba ataburamo akantu ka gakondo kumvikanamo kuko ari cyo kirango cye. Yatangaje ko kuba atazirikiye kuri iyi njyana gusa ari yo mpamvu yanafashije babyara be Ruti ndetse na King Bayo mu ndirimbo bakoranye bise 'Diarabi'.
Joel Ruti mubyara wa Jules Sentore
King Bayo mubyara wa Jules Sentore
Mu kiganiro yahaye Inyarwanda.com Jules Sentore yadutangarije ko byanze bikunze muri iyi minsi agiye kongera kugaragaza ubukana nk'umuhanzi mukuru cyane ko afite indirimbo nyinshi yakoze n'ubwo atarazishyira hanze bityo ngo abakunzi ba muzika ye bamwitege cyane ko agiye gutangira kuzishyira hanze. Yabwiye umunyamakuru ko kimwe mu byatumaga adakora cyane harimo no kwiga uburyo bwiza bwo gukora ariko nyuma y'ibitekerezo binyuranye yagiye akura mu bantu banyuranye kuri ubu ngo agiye kongera gushimisha abakunzi be.
Jules Sentore
Iyi ndirimbo nshya ya Jules Sentore yakoranye na babyara be Ruti Joel ndetse na King Bayo, mu buryo bw'amajwi yakozwe na Producer Madebeat mu gihe amashusho yayo yafashwe akanatunganywa na Bob Chris.
REBA HANO AMASHUSHO Y'IYO NDIRIMBO 'DIARABI' YA JULES SENTORE, RUTI JOEL NA KING BAYO
Eng
RSS 
TANGA IGITECYEREZO