Miss Uganda 2014 Leah Kalanguka yerekeje mu gihigu cy’u Bwongereza aho agiye guhatana n’abandi bakobwa basaga 125 baturutse hirya no hino ku isi, bakaba bagiye guhatanira ikamba ry’umukobwa uhiga abandi ku isi yose, amarushanwa azwi ku izina rya “Miss World”.
Uyu mukobwa uherutse kwegukana ikamba rya Miss Uganda, n’ubwo abaturage benshi b’iki gihugu bakomeje kwerekana ko batishimiye kuba yabahagararira mu marushanwa mpuzamahanga y’ubwiza kubera uburanga bwe bavugaga ko budashamaje, we ubwo yabazwaga n’abategura aya marushanwa mbere y’uko ajya mu Bwongereza, yatangaje ko afite icyizere kimwe n’abandi bahatana bose ko ashobora kwegukana iri kamba rya Miss World.
Miss Uganda yizeye kuba yakwegukana Miss World 2014
Uyu mukobwa bivugwa ko ari umuhanga cyane mu ikoranabuhanga rijyanye n’ibya mudasobwa, aherutse no gushimwa na Miss Rwanda Akiwacu Colombe wavuze ko yabonye uburyo azi gusubiza kandi akaba agaragaza ubuhanga mu kubasha gusabana n’abantu (Sociability), ibi kandi ngo bikaba biri mu bishingirwaho mu gutora ba nyampinga.
Miss Leah Kalanguka yizeye ko ashobora kwegukana ikamba ry'umukobwa uhiga abandi ku isi
Biteganyijwe ko ikamba ry’umukobwa uhiga abandi ku isi rizambikwa umwe mu bakobwa bagiye kurihatanira mu Bwongereza mu birori bizaba ku itariki 14 z’ukwezi gutaha k’Ukuboza, nyuma y’uko uyu mukobwa uhagarariye Uganda muri aya marushanwa azaba amaze kubyitabira akazahita yitabira n’ibindi bikorwa bitandukanye yatumiwemo mu Bwongereza.
Manirakiza Théogène
Eng
RSS 
TANGA IGITECYEREZO