RFL
Kigali

COVID-19: Impuguke ziracyerekana ko imibare ishobora kwiyongera n’ubwo hamaze gupfa abarenga miliyoni imwe

Yanditswe na: Muhawenimana Faridi
Taliki:29/09/2020 11:26
0

Imibare y'abamaze guhitanwa na COVID-19 ku Isi yarenze miliyoni 1. N’ubwo imibare bigaragara ko iri kuzamuka ubutitsa, impuguke zigaragaza impungenge z’uko imibare y’abicwa n’iki cyorezo ishobora kwikuba mbere y’uko Isi ikoza imitwe y’intoki ku rukingo.



Umuntu wambere wahitanywe na COVID-19 yumvikanye mu gihugu cy’u Bushinwa mu mezi agera ku icyenda ashize, mu mujyi byemezwa ko ariho habonetse iki cyorezo ariwo Wuhan. Imibare ya Kaminuza ya Johns Hopkins, yerekana ko mu Isi hamaze kwandura abarenga miliyoni 33.3, ndetse na 1,001,800 bakaba bamaze guhitanwa nacyo mu gihe cy’amezi ajya kurenga 9.

Ku isonga mu bwandu, ndetse no muguhitanwa cyane n’iki cyorezo, haboneka igihu cya Leta Zunze Ubumwe za Amerka—n’ubwo Perezida Donald Trump akomeza gushimangira ingamba afata mu guhanga n’iki cyorezo. Imibare ya Kaminuza ya Johns Hopkins yerekana ko ubwandu muri Amerika burenga miliyoni 7.1, naho abapfuye bakaba 205,085.

Kuri iyi nshuro, impuguke muri Leta Zunze Ubumwe za Amerika zifite impungenge z’uko Perezida Trump ashobora guhatiriza abari gukora urukingo rwa COVID-19 kurushyira hanze hatabanje kugendera ku mabwiriza yo kurugerageza, mu rwego rwo kungukira muri politiki. Mu ntege z’Amerika, hasangwa ibindi bihugu byiganjemo ubwandu bwo hejuru birimo n’ Ubuhinde bufite abanduye barenga miliyoni 6, n’abapfuye barenga 95,000. 

Mu rwego rwo gukumira ubwiyongere mu kwandura no kwanduzanya COVID-19, ibihugu byinshi byahisemo gushyiraho uburyo burimo kwamabara udupfukamunwa, gushyira intera hagati y’abantu, n’ubundi butandukanye. Nko mu Burayi aho impuguke zagiye zerekana ko hashobora kwibasirwa na virusi mu gice cyayo cya kabiri, ubu barahuza iki kibazo n’ibihe iki gice cy’isi kigiye kujyamo. Mu bihe biza haraba haje ibihe by’ubukonje aho bitekerezwa ko indwara z’ibicurane zizaba ziyongereye kubera ubukonje.

Hari ikihe cyizere cy’urukingo?

Mangingo aya hari inkingo zigera kuri 35 mu Isi hose ziri gukorerwa amageragezwa ku bantu. Gusa, ntabwo biramenyekana neza igihe izi nkingo zizaherwa uburenganzira bwo gutangira gukoreshwa.

Uhagarariye ibya Siyansi mu gashami ku Muryango w’Abibumbye kita ku Buzima (OMS), Dr. Soumya Swaminathan, avuga ko bishobora kuzagera mu mwaka wa 2022 kugira ngo abantu babe basubira mu buzima barimo mbere ya COVID-19.

Iri shami n’ubundi rigaragaza ko imibare y’abicwa na COVID-19 ishobora kugera kuri miliyoni 2 mu Isi yose. Byerekanwa ko niba harapfuye miliyoni y’abantu mu gihe kingana n’amezi 9, bikaba bizafata amezi 9 ngo urukingo ruhabwe Isi kandi virusi bisa n’aho itangiye kunanirana mu kuyigenzura. 

Src: CNN& Johns Hopkins University. 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND