RFL
Kigali

Finland: Mu mujyi wa Helsinki imbwa zatangiye igerageza ryo gupima abagenzi Coronavirus

Yanditswe na: InyaRwanda
Taliki:25/09/2020 14:16
0

Imbwa zatojwe guhunahuna zigatahura ibiyobyabwenge cyangwa ibisasu, zikunze kugaragara ku bibuga by'indege bitandukanye ku isi, aho abashinzwe umutekano bazikoresha mu gutahura abitwaje ibitemewe n'amategeko. Gusa kuri iyi nshuro i Helsinki ziri gukoreshwa mu gupima Covid-19.



Imbwa zatojwe guhunahuna zigatahura ibiyobyabwenge cyangwa ibisasu, zikunze kugaragara ku bibuga by'indege bitandukanye ku isi, aho abashinzwe umutekano bazikoresha mu gutahura abitwaje ibitemewe n'amategeko.

Ariko ubu, zimwe muri izo mbwa zirimo gukoresha amazuru yazo mu akandi kazi ko guhunahuna coronavirus. Muri iki cyumweru, izi ntozo zahawe amahugurwa yo gutahura Covid-19 zatangiye guhunahuna abagenzi, mu gikorwa cy'igerageza ku kibuga cy'indege cya Helsinki-Vantaa muri Finland.

Abakorerabushake barimo kumenyereza itsinda ry'imbwa 15 n'abantu 10 baziha amabwiriza, muri iyi gahunda y'ubushakashatsi ku gupima Covid-19.

 Profeseri Anna Hielm-Bjorkman wigisha kuri Kaminuza ya Helsinki akaba ari we uyoboye iri gerageza, yabwiye ibiro ntaramakuru Reuters ko izi mbwa zishobora gutahura umuntu urwaye coronavirus habura iminsi itanu ngo atangire kugaragaza ibimenyetso byayo.

Madamu Anna yagize ati: "Zirabizi neza cyane [gutahura coronavirus]. Tugera ku kigero [cyo kuyitahura] kiri hafi 100%".

Abagenzi bageze ku kibuga bavuye mu ndege basabwa kwihanagura ku ijosi bakoresheje igitambaro

Ibyo bihanaguje bihita bishyirwa mu bikombe bigaterekwa imbere y'imbwa ngo zibihunahune

Bifata iminota gusa kugira ngo ibisubizo ku bipimo byasuzumwe n'imbwa bibe bibonetse

Abagenzi bihanagura ku ijosi bakoresheje ibitambaro, ubundi bigashyirwa mu bikombe bigaterekwa imbere y'imbwa ngo zibihunahune. Igisubizo ku kizamani cyapimwe n'imbwa kiboneka mu gihe cy'iminota.

Ariko nubwo muri iyi ntangiriro iri gerageza ryagaragaje gutanga icyizere, haracyacyenewe gukora ubundi bushakashatsi ngo hemezwe gutanga umusaruro w'uku gupima Covid-19 gukozwe n'imbwa.

Kuri ubu, abagenzi bemeye gupimwa n'izi mbwa banasabwa gupimwa mu buryo busanzwe bwo kwinjizwa igipimo mu muhogo, nk'uburyo bwo kwemeza niba ibyo imbwa zagezeho ari ukuri. 

Imbwa yitwa Miika (ibumoso) n'iyitwa Titta, zatangiye amahugurwa mu byumweru birenga bitatu bishize

Timo Aronkyto, umuyobozi wungirije w'umujyi wa Vantaa, yavuze ko bishoboka ko mu gihe kiri imbere izi mbwa "zazenguruka mu bagenzi mu buryo bumwe nk'ubw'izisanzwe zihunahuna ibiyobyabwenge n'ibisasu".

Src: BBC 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND