Airtel Rwanda
Kigali

Coronavirus: Ihumure ku batuye Isi riturutse mu kigo cya Biotech Synairgen kiri kugerageza umuti uri gutanga icyizere

Yanditswe na: Eric Misigaro
Taliki:20/07/2020 14:24
0

Mu gihe urugamba rugeze ahakomeye ndetse benshi bari gukanura nk'abatsinzwe, kurundi ruhande hari abari kugerageza ibishoboka byose ngo barokore ikiremwamuntu. Kuri iyi nshuro uruganda rwitwa Biotech Synairgen rwo mu Bwongereza ruri kugeregeza umuti wifitemo protein ndetse bivugwa ko utanga icyizere cyo kuba wakiza Covid-19.



Nk'uko tubikesha BBC, igerageza ry'ibanze riri gukorerwa kuri uyu muti ryerekana ko uyu umuti mushya wa Covid-19 ushobora gukiza iyi ndwara kuko wifitemo ubushobozi bwihariye bwo korohereza abarwayi vuba nk'uko kompanyi yo mu Bwongereza yawukoze ibivuga.

Uyu muti w'uruganda rwitwa Biotech Synairgen ruri i Southampton mu Majyepfo y'u Bwongereza, ukoresha protein yitwa 'interferon beta' ubusanzwe ikorwa n'umubiri iyo utewe na virus.

Iyo proteyine igera mu bihaha hakoreshejwe igikoresho (nebuliser) gifasha umuntu guhumeka, byizewe ko ifasha umubiri kongera ubwirinzi.

Ibyagezweho by'ibanze birerekana ko uyu muti ugabanya abarwayi ba Covid-19 barembye - nk'abakeneye ibyuma byongera umwuka (ventilators) - ku kigero cya 79%.

Ikigo cyawukoze kivuga ko mu igerageza, abarwayi babiri kuri batatu bashoboraga gukira buri munsi. Kivuga kandi ko habaye "igabanuka rikomeye" ku guhumeka nabi kw'abarwayi bahawe uyu muti.

Ikigereranyo cy'igihe abarwayi bamara mu bitaro nacyo cyagabanutseho 1/3 ku bahawe uyu muti, kiva ku minsi icyenda kigera kuri itandatu. Ubu bushakashatsi bwakozwe ku barwayi 101 bari barwaye Covid-19 bari mu bitaro icyenda byo mu Bwongereza.

Kimwe cya kabiri cyabo, cyahawe uyu muti, ikindi gice cyabo gihabwa ikizwi nka placebo - uyu muti ariko udakora.

Ese ni iki gitangazwa ku bijyanye n’igeragezwa ry’uyu muti?

Amakuru arambuye neza y'ibyavuyemo ntaratangazwa neza. BBC ivuga ko nta kintu gihamye kiratangazwa, gusa ngo hari icyizere cy'uko uyu muti ushobora kugoboka abatuye Isi. Ivuga kandi ko niba uyu muti ukora nk'uko iyi kompanyi ibivuga, bizaba ari intambwe ikomeye mu kuvura coronavirus.

Umushakashatsi ushinzwe igerageza, Tom Wilkinson, avuga ko ibi byavuye mu igeragezwa nibyemezwa mu buryo bwa nyabwo, uyu muti "uzahindura ibintu". Muri rusange, iri gerageza ryari rito ariko ibyarivuyemo mu gukiza abarwayi "birakomeye bidasanzwe" nk'uko Wilkinson abivuga.

Ese iyi yaba ari inkuru y’ihumure ku batuye Isi?

Mu minsi micye iki kigo kizamurika ibyo cyagezeho ku bagenzura iby'imiti ku isi kugira ngo barebe niba hari ibindi babasaba ngo bemeze uyu muti. Ibyo bishobora gufata amezi, nubwo leta y'u Bwongereza, kimwe n'izindi nyinshi, yavuze ko izakora ibishoboka kugira ngo imiti ya coronavirus ijye yemezwa vuba.

Src: BBC






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND