Airtel Rwanda
Kigali

OMS Iravuga ko mu cyumweru gitaha abanduye coronavirus bashobora kugera kuri miliyoni 10

Yanditswe na: Liliane Kaliza
Taliki:26/06/2020 11:52
0

Umuyobozi mukuru w’umuryango w’abibumbye wita ku buzima OMS, Tedros Adhanom, yatangaje ko umubare w’abantu banduye coronavirus ku isi ushobora kuziyongera ukagera kuri kuri miliyoni 10 mu cyumweru gitaha aho kuri ubu uri kuri miliyoni 9.3



Dr.Tedros ahangayikishijwe n’uko umubre w’abanduye coronavirus ushobora kugera kuri miliyoni 10 uvuye kuri miliyoni 9 mu cyumweru gitaha,yatangarije abanyamakuru ko ashyigikiye icyemezo cya Arabiya Sawudite cyo kubuza abaje gutembera mu mahanga kwitabira ingendo za buri mwaka za Hija kugira ngo bagabanye ikwirakwizwa rya virusi.

Yavuze ko ubu OMS itera inkunga ibihugu byinshi mu guhangana n’ingorane zo kubona ingufu za ogisijeni, ibikoresho byongera umuvuduko wa ogisijeni kugira ngo bifashe guhumeka abarwayi ba COVID-19. Ati: "ubufasha bukenewe burenze ubushobozi dufite”

Dr Mike Ryan ukuriye ibikorwa by’ubutabazi muri OMS, yavuze ko icyorezo mu bihugu byinshi byo muri Amerika kitaragabanuka, kandi ko "kigikomeye", cyane cyane muri Amerika yo Hagati no mu majyepfo.

Ryan yagize ati: "Navuga ko ibintu bikomeje kugenda biba bibi cyane, kandi bikaba bishoboka ko hazagaragara umubare munini w'abantu banduye ndetse n'abapfuye mu byumweru biri imbere."

Yavuze ko ibihugu byinshi byiyongereyeho 25-50% mu kwandura mu cyumweru gishize.

Ibi rero bikaba biteye impungenge ari naho umuyobozi mukuru wa OMS avuga ko abanduye bashobora kugera kuri miliyoni 10

Reuters

 

 

 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND