Airtel Rwanda
Kigali

Bangladesh: Abarwayi ba Covid-19 birukanwa n'ibitaro kuko byuzuye

Yanditswe na: David Mayira
Taliki:16/06/2020 18:37
0

Ni mu gihe Isi yugarijwe n’icyorezo cya Coronavirus kiri kwibasira ubuzima bwa benshi ku Isi, hari ibihugu bifite abarwayi benshi b’ubu bwandu bushya nk’Igihugu cya Bangladesh kirukana abarwayi ba Covid-19 kuko batabasha kubakira.



Kaminuza y'ubushakashatsi ya Johns Hopkins yo muri Amerika ivuga ko abanduye coronavirus ku isi uyu munsi ku wa kabiri barenze miliyoni umunani (8) mu gihe abo imaze kwica ari 437,137 kandi uko bwije n'uko bukeye imibare iracyazamuka.

Imibare y'abanduye muri Bangladesh irakomeza kwiyongera mu gihe ibitaro bitandukanye muri iki gihugu bisubiza inyuma abarwayi kuko bitagishoboye kubakira. Hari ubwoba ko iki gihugu gituwe mu bucucike bukomeye gishobora kuba izingiro rishya rya Covid-19.

Uyu munsi habonetse abatu bashya hafi 4,000 banduye, mu gihe bose hamwe basatira 95,000 mu gihugu.Muri iki gihugu hari ubucye bw'ibitanda bishobora kwakira indembe, n'ibyuma bifasha guhumeka.

Havugwa ibitanda byakira abarwayi mu bitaro birenga gato 1,000 mu gihugu cyose, gituwe n'abaturage miliyoni 160. Inkuru z'abarwayi basubizwa inyuma n'ibitaro ni zo ziganje ubu muri iki gihugu.

Src:BBC






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND