Airtel Rwanda
Kigali

MINISANTE yemeje ko icyorezo cya Coronavirus cyageze mu Rwanda

Yanditswe na: Mupende Gedeon Ndayishimiye
Taliki:14/03/2020 11:35
0

Kuri uyu wa Gatandatu tariki 14/03/2020 ni bwo Minisiteri y'Ubuzima (MINISANTE) yemeje ko u Rwanda rwabonye umuntu wa mbere ku butaka bwarwo wanduye icyorezo cya Coronavirus cyakomotse mu Bushinwa mu mpera za 2019.



Uyu muntu wa mbere u Rwanda rwasanzemo COVID-19 (Coronavirus), ni umuhinde wageze mu Rwanda tariki 08 Werurwe 2020. Yahageze nta bimenyetso agaragaza. Kuwa 13 Werurwe 2020 ni bwo yasabye ubufasha bw'ubuvuzi, bamusuzumye bamusangamo Coronavirus. 

Mu itangazo Minisiteri y'Ubuzima yanyujije kuri Twitter kuri uyu wa Gatandatu ryemeza ko Coronavirus yageze mu Rwanda, yasabye abanyarwanda gukaraba mu ntoki kenshi gashoboka. Basabwe kandi kwirinda kujya mu mahuriro y'abantu benshi. Uwagira ikibazo cy'ubuzima cyangwa akagaragaza ibimenyetso bya Coronavirus, yasabwe kujya ahamagara ku buntu kuri 114.


Itangazo rya Minisiteri y'Ubuzima ku cyorezo cya Coronavirus 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND