Airtel Rwanda
Kigali

U Bushinwa: Ejo ku wa Mbere, abantu 103 bishwe na coronavirus mu ntara ya Hubei honyine

Yanditswe na: Liliane Kaliza
Taliki:11/02/2020 10:50
0

Uyu ni wo mubare munini wa mbere ubayeho muri iyo ntara, abamaze kwicwa na coronavirus ubu bageze ku 1,016



Gusa nanone umubare w'abayandura bashya mu gihugu ejo wagabanutseho ku kigero kigera hafi ku 20% ugereranyije no ku munsi wabanje, uva ku bantu 3,062 bagera ku 2,478.

Ejo ku wa Mbere kandi, umukuru w'akanama gashinzwe ubuzima mu ntara ya Hubei yemeje ko abantu 2,097 bashya banduye ubu bwoko bushya bwa coronavirus muri iyo ntara, bavuye ku 2,618 ku munsi wabanje.

Ubu mu Bushinwa hari abantu 42,200 banduye coronavirus, iki kikaba ari cyo cyorezo kibi cyane kibasiye iki gihugu nyuma y'icyorezo cya Sars cyo mu 2002 kugera mu wa 2003.

Nkuko bitangazwa n'igitangazamakuru cya leta y'Ubushinwa, hamaze kwirukanwa ku kazi abantu babarirwa mu magana kubera coronavirus.

Ariko gukurwa ku mwanya runaka - nubwo bibonwa nko kutishimira imikorere - ntabwo buri gihe biba bivuze ko uwo muntu azirukanwa burundu, kuko bishobora no kuvuga kumanurwa mu ntera.

Bijyanye kandi no gukurwa ku kazi, abayobozi bashobora no guhanwa n'ishyaka rya gikomunisiti riri ku butegetsi mu Bushinwa.

Urugero, Zhang Qin, umukuru wungirije wa Croix-Rouge, "yaburiwe bikomeye mu ishyaka kubera imikorere mibi", nkuko bitangazwa n'igitangazamakuru cya leta.

Mu ntangiriro y'uku kwezi, umukuru wungirije w'ibiro by'ibarurishamibare i Wuhan yakuweho, na we "aburirwa bikomeye mu ishyaka kubera imikorere mibi yo kurenga mu mabwiriza yo gutanga ibyo kwipfuka mu maso".

Mu minsi ya vuba ishize, abayobozi bo mu Bushinwa bakomeje kunengwa kubera ukuntu bari kwitwara mu kibazo cya coronavirus. Urupfu rwa muganga wari waburiye ko hateye virusi idasanzwe ariko impuruza ye ikaburizwamo n'abayobozi, rwateje uburakari mu baturage.

Src: BBC






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND