Ahabanza Imyidagaduro

Bruce Melodie yongerewe mu bazaririmba mu gitaramo cyo kumurika Ihuriro ry'Abanyamakuru b'Imyidagaduro

Yanditswe na: Muvunyi Arsene
Taliki:2/12/2019 13:57 0

Umuhanzi Itahiwacu Bruce [Bruce Melodie] ufite igikundiro cyo ku rwego rw hejuru mu Rwanda yongerewe mu bahanzi bazaririmba mu gitaramo cyo kumurika Ihuriro ry’Abanyamakuru b’Imyidagaduro mu Rwanda kizaba mu mpera z’iki cyumweru.

Tariki 06 Ukuboza mu ihema rya Kigali Conference and Exhibition Village hazabera igitaramo cy’imbaturamugabo cyo kumurika ku mugaragaro Ihuriro ry’Abanyamakuru b’Imyidagaduro mu Rwanda [Rwanda Showbiz Journalist Forum].

Iki gitaramo cyateguwe ku bufatanye n’Urugaga rwa Muzika mu Rwanda, cyatumiwemo abahanzi batandukanye bakunzwe mu Rwanda barimo Tom Close uzakiyobora, Riderman, Fireman, PFLA, Yverry, Ruti Joel, Peace Jolis, Andy Bumuntu, Alyn Sano na Uncle Austin.

Mu gihe habura iminsi ine ngo iki gitaramo kibe, abari kugitegura batangaje ko bamaze kongeramo na Bruce Melodie, umuhanzi wihariye umwaka wa 2019 kugira igikundiro cyo ku rwego rw hejuru bitewe n’indirimbo yagiye agaragaramo zirimo Katerina imaze iminsi itari myinshi igiye hanze.

Kwinjira muri iki gitaramo ni amafaranga ibihumbi bitatu ku banyeshuri, ibihimbi bitanu mu myanya isanzwe ku bantu bakuru n’ibihumbi 10 mu myanya y’icyubahiro. Amatike yatangiye gucuruzwa ku rubuga rwa interineti rwa www.ticket.rw.