Javier Hernández Balcázar uzwi nka Chicharito ndetse wanamamaye ari mu ikipe ya Manchester United iri mu cyiciro cya mbere mu Bwongereza (2010-2015), yasinye amasezerano y’imyaka itatu mur FC Sevilla mu cyiciro cya mbere muri Esipanye.
Chicharito w’imyaka
31 yasinye amasezerano y’imyaka itatu muri FC Sevilla avuye muri West Ham
United, uyu mugabo uvuka muri Mexque, yageze muri West Ham United (England) mu
2017 ubwo yari avuye muri Bayer Leverkusen (Germany) yari yagezemo mu 2015
avuye muri Real Madrid yakiniye umwaka umwe (2014-2015) aho yari mu ntizanyo ya
Manchester United.
Chicharito yasinye imyaka itatu muri FC Sevilla muri Esipanye
Chicharito
ukina ataha izamu, Kuwa Mbere yakoze ikizamini cy’ubuzima muri FC Sevilla mbere
yo gushyira ikaramu ku rupapuro akemera ko azakinira iyi kipe kugeza mu 2022.
Uyu mugabo
ukinda umwenda wanditseho umubare 14, bawumuhaye anahabwa miliyoni 7.75 z’amayero
kugira ngo bamukure muri West Ham United, ikipe yakiniye imikino 63 akiyibonera
ibitego 17.
Chicharito
asubiye muri shampiyona ya Esipanye (Spanish La Liga) nyuma yo kuba yarakinnye
muri Real Madrid. Uyu mugabo abaye umukinnyi wa 12 FC Sevilla iguze muri iyi mpeshyi igana muri
2019-2020 ku isoko ry’igura n’igurishwa ry’abakinnyi ku mugabane w’u Burayi.
Ubwo Chicharito yari muri Bayer Leverkusen mu Budage
Javier
Hernández Balcázar “Chicharito”
yatangiye kwigaragaza mu mupira w’amaguru kuva mu 2006 ubwo yari azamuwe mu
ikipe y’abakuru ya Guadalajara muri shampiyona ya Mexique kuko yari amaze
imyaka icyenda mu ikipe y’abato (1997-2006).
Chicharito
yaje mu ikipe nkuru ya Guadalajara akinamo imyaka ine (2006-2010) mbere yo
kubengukwa na Manchester United kuko uyu mugabo yari yabashije gutsinda ibitego
26 mu mikino 64 yakiniye Guadalajara.
Chichariro muri Manchester United
Chicharito
yageze muri Manchester United amaramo imyaka itanu (2010-2015) akina imikino
103 atsinda ibitego 37.
Chicharito
yaje gutizwa muri Real Madrid kugira ngo arangize umwaka w’amasezerano yari
afitiye Manchester United, niko kugerayo mu 2014 akahava mu 2015 agana muri
shampiyona y’Abadage (Germany BundesLiga).
Chicharito ubwo yari mu ntizanyo muri Real Madrid
Chicharito
yakomereje akazi muri Bayern Leverkusen abakinira imikino 54 atsindamo ibitego
28 mu myaka ibiri yahamaze (2015-2017).
Chicharito
yahise asubira muri shampiyona y’Abongereza akina muri West Ham United kuva mu
2017 asozanya n’umwaka w’imikino 2018-2019 abakiniye imikino 63 abatsindira
ibitego 17.
Chicharito,
mu mikino y’ikipe y’igihugu yayitangiye mu 2007 akina mu ikipe ya Mexique y’abatarengeje
imyaka 20. Icyo gihe yakinnye imikino ibiri abonamo igitego kimwe mbere yo
kujya mu ikipe nkuru mu 2009 agakina imikino 108 akaba amaze gutsinda ibitego
51 mu myaka icumi ayimazemo (2009-2019).
Chicharito mu ikipe y'igihugu ya Mexique
TANGA IGITECYEREZO