Harimo uwifujwe bwa kabiri! Byinshi ku bakinnyi 2 bo muri Zambia bashobora kwerekeza muri APR FC

Nyuma yuko APR isubiye kuri gahunda yo gukinisha Abanyamahanga, ikagukana igikombe cya shampiyona gusa bikaba bitaragenze neza mu mikino Nyafurika, igomba gusubira ku Isoko ikagura abakinnyi bakomeye.

Chairman wayo, Colonel Richard Karasira aheruka kubyitangariza mu kiganiro n'itangazamakuru avuga ko bazagura abakinnyi bashya ndetse ko hari n'abo bari mu biganiro nabo.

Mu bakinnyi bari kuvugwa mu kuba bakwerekeza mu ikipe y'Ingabo z'igihugu harimo uwitwa Ricky Banda wavutse taliki 3 z'ukwezi kwa 3 muri 2001 akavukira muri Zambia.

Uyu mukinnyi afite uburebure bwa metero 1 na cm 86 akaba yaratangiye gukina umupira w'amaguru nk'uwabigize umwuga muri 2020 ahereye mu ikipe yitwa Indeni FC n'ubundi yiwabo.

Nyuma y'amezi make yaje kuyivamo asa nku'wirukanywe maze mu mpeshyi ya 2021 asinyishwa na Read Arrows n'ubundi yiwabo.

Guhera icyo gihe kugeza n'ubu akina muri iyi kipe gusa muri yigeze kugirwa umukinnyi w'umwaka wa shampiyona ya Zambia ndetse aba n'uwatsinze ibitego byinshi kurusha abandi aho yari yatsinze ibitego 16.

Ricky Banda ukinisha ukuguru kw'iburyo asatira kugeza ubu amaze gukinira Read Arrows imikino 9 akaba amaze gutsindamo ibitego 10.

Yahamagawe bwa mbere mu ikipe y'igihugu ya Zambia muri 2020 ahereye mu kipe y'abatarengeje imyaka 20 ndetse nyuma yaho azamurwa mu nkuru, gusa aheruka guhamagarwa muri 2020 ubwo bakinaga imikino ya gishuti na Mali.

Undi mukinnyi urimo uravugwa mu ikipe ya APR FC ni Siankombo wavutse taliki 03 z'ukwezi kwa 2 mu 1998 akaba yaravukiye muri Zambia.

Uyu mukinnyi ukina afasha ba rutahizamu gusatira, gusa akanyura ku ruhande rw'ibumoso cyane yatangiye gukina ruhago nk'uwabigize umwuga ahereye mu ikipe ya Zanaco y'iwabo muri 2020 maze mwaka we wa mbere akina imikino 32 atsindamo ibitego 7.

Mu mwaka wa 2021-22 yakinnye imikino 27 atsindamo ibitego 2 naho mu wa 2022-23 akina imikino 32 atsindamo ibitego.

Mu mpeshyi y'umwaka ushize ni bwo yerekeje Zesco United akaba amaze gukina imikino 21 yatsinzemo ibitego 5.

Mu ikipe y'igihugu ya Zambia yahamagawe bwa mbere ubwo bakinaga na Malawi taliki 06 z'ukwezi kwa 7 muri 23. Kugeza ubu amaze guhamagarwa inshuro 6 gusa nta gitego yari yatsinda.

Uyu mukinnyi kandi ntabwo ari ubwa mbere ikipe y'igihugu imushatse kubera ko no mu mwaka ushize yari yagiranye ibiganiro nawe gusa birangira bidakunze.

Ricky Banda ushobora kuzerekeza mu ikipe ya APR FC 

Abraham Siankombo wifuzwa n'ikipe ya APR FC