Pep Guardiola yaremye agatima abakunzi ba Liverpool

Manchester City yasubiranye umwanya wa Kabiri nyuma yo gutsinda Brighton ibitego bine ku busa, ibi bikubitana nuko Liverpool yatsinzwe na Everton igatakaza uyu mwanya.

Manchester City irarushwa inota rimwe na Arsenal kandi Manchester City iracyafite amahirwe yo kwisubiza umwanya wa mbere kubera ko ifite umukino w'ikirarane.

Ibitego bibiri bya Phil Foden, kimwe cya Kevin De Bruyne na kimwe cya Julian Alvarez, nibyo byatumye Manchester City yuzuza amanota 76, iba iya kabiri kuri Arsenal ifite amanota 77.

Liverpool ya gatatu ifite amanota 74 kandi yo na Arsenal zimaze gukina imikino 34, mu gihe Manchester City yo imaze gukina imikino 33.

Pep Guardiola yabajijwe ku kuba Liverpool itaravuye mu makipe ahatanira igikombe cya Shampiyona, avuga ko ibyayibayeho ari ibisanzwe byaba kuri buri kipe.

Pep Guardiola yagize ati" Ibyabaye kuri Liverpool natwe byatubaho na Arsenal byayibaho, igikombe turacyagihatanira twese.

Imikino yo gukina iracyari myinshi kandi imibare iracyahengamiye ku ko amakipe atatu azitwara. Twese biracyashoboka''.

Manchester City isigaje gukina imikino itanu muri English Premier League, mu gihe Arsenal na Liverpool zisigaje imikino ine. Bisobanuye ko kugeza ubu Man City ariyo ifite amahirwe menshi kuri iki gikombe. 

Pep Guardiola yahumurije Liverpool ayereka ko gutwara igikombe cya Shampiyona bigishoboka

Manchester City yisubije umwanya wa kabiri nyuma yo gutsinda Brighton ibitego bine ku busa 

Liverpool yatakaje icyizere ku gikombe cya Shampiyona nyuma yo gutsindwa na Everton ibitego bibiri ku busa