Kigali

VIDEO: Incamake z’umukino Rayon Sports yatsinzemo LLB Academic mu Burundi

Yanditswe na: Emmy Nsengiyumva
Taliki:23/02/2018 9:50
0 0 0 0 0 Loading... 0

Mu minsi ishize ikipe ya Rayon Sports yakomeje mu ijonjora rya kabiri ry’imikino ihuza amakipe yabaye aya mbere iwayo ku mugabane wa Afurika (Total CAF Champions League) nyuma yo gutsinda LLB igiteranyo cy’ibitego 2-1 mu mukino ibiri. Aha ikaba yari imaze gutsinda LLB 1-0 mu mukino wabereye i Bujumbura. Ni umukino utaragize ahantu na hamwe uca.



Iki giteranyo cyaje nyuma yaho iyi kipe yatsinze umukino wo kwishyura wakinwe kuri uyu wa Gatatu tariki 21 Gashyantare 2018 i Bujumbura. Rayon Sports yatsinze LLB igitego 1-0 cyatsinzwe na Shaban Hussein Tchabalala ku munota wa 33’. Muri uyu mukino ikipe ya Rayon Sporst yatangiye ubona ko abakinnyi bafite ishyaka ryinshi n’ubwitange. Ibi byaje gutanga igitego cyavuye ku kazi gakomeye kakozwe na Nahimana Shassir.

rayon sportIntsinzi ya Rayon Sports yahaye ibyishimo aba

Nyuma yo kuba Karekezi Olivier umutoza wa Rayon Sports yari yamaze kubona igitego, yakomeje guhiga ikindi, byatumye akuramo Manishimwe Djabel ashyiramo Ismaila Diarra usanzwe ari rutahizamu. Aha byatumye Shaban Hussein akina imbere ibumoso bityo Diarra ajya mu mwanya wa rutahizamu nyirizina.

Eric Rutanga Alba Akram yahawe ikarita y’umuhondo cyo kimwe na Muhire Kevin wanaje gusimburwa na Mukunzi Yannick mu gice cya kabiri. Mu mikino y’ijonjora rya kabiri, Rayon Sports izisobanura na Mamelodi Sundowns yo muri Afurika y’Epfo ifite iki gikombe yatwaye mu 2017.

rayon sport11 Babanjemo

N'ubwo bitari byoroshye Inyarwanda.com twabashije kubona amashusho y’umukino wahuje Rayon Sports na LLB Academic, byatumye tubahitiramo amashusho y’incamake z’uyu mukino mu gihe tukiri gushaka uko twabagezaho amashusho yose y’uyu mukino uko yakabaye.

REBA HANO INCAMAKE Z'UYU MUKINO WA LLB ACADEMIC NA RAYON SPORTS





Umwanditsi

Emmy Nsengiyumva

-

Sura Umwanditsi Nyandikira

Inyarwanda BACKGROUND

Copyright © 2008-2018 Inyarwanda Ltd
RSS