Kuri uyu wa Mbere tariki 1 Mutarama 2018 mu Rwanda hitezwe igitaramo cyizwi nka East African Party kigiye kuba ku nshuro yacyo ya cumi, mu bahanzi bazaririmbamo uwari ataragera mu Rwanda ni Sheebah Karungi umugandekazi ukunzwe cyane muri aka karere wahageze ku gicamunsi cyo kuri iki cyumweru tariki 31 Ukuboza 2017.
Sheebah akigera i Kanombe abanyamakuru ndetse n'abandi bari aho batunguwe bikomeye n’umugore w’ibigango wari wateguwe ngo amucungire umutekano, ibi bitari bimenyerewe cyane ko hari umugore wacungira umutekano abantu banyuranye icyakora amakuru Inyarwanda.com yakuye ku kibuga cy’indege ni uko mu ishyirahamwe ry’abarinnda umutekano w’abantu rya B KGL kuri ubu habarizwamo abakobwa bane b’ibigango barinda umutekano w'abantu, bityo ngo ubu umukobwa azajya arindirwa umutekano n’abakobwa abagabo barindirwe umutekano n’abagabo.
Mu bahanzi b'abanyarwanda batumiwe muri iki gitaramo harimo Tuff Gangz itsinda ry'abaraperi bane bari bamaze igihe barasenyutse ariko magingo aya bakaba baramaze kwiyunga ku buryo ubu batangiye imikoranire mishya. Tubibutse ko Tuff Gangz igizwe na Jay Polly, Bull Dogg,Green P ndetse na Fireman. Usibye aba ariko hazitabira kandi Bruce Melody, Riderman na Yvan Buravani.
East African Party ni igitaramo kimenyerewe kuba mu ntangiriro z’umwaka. Umwaka ushize cyari cyatumiwemo The Ben. Kuri iyi nshuro iki gitaramo kizaba tariki 1 Mutarama 2018 kibere i Remera muri Parikingi ya Stade Amahoro aho kwinjira ari ibihumbi bitanu (5000frw) n’ibihumbi icumi mu myanya y’icyubahiro (10000frw). Muri iki gitaramo aba ari umwanya wo kwishima kubw'umwaka mushya abantu baba binjiyemo.
Uyu mugore w'ibigango niwe ucunze umutekano wa Sheebah
Sheebah nawe yakiriwe n'itangazamakuru
Eng
RSS 
TANGA IGITECYEREZO