Pedro Someone agiye kumurika album ya mbere y'indirimbo 13 mu gitaramo yatumiyemo Ama G

Niyigena Jean Pierre uzwi nka Pedro Someone ufatanya ubuhanzi no kuvura abarwayi dore ko ari umuforomo, yabwiye Inyarwanda ko yatumiye umuraperi Ama G The Black mu gitaramo azamurikiramo album ye ya mbere. "Sinari kumushyira kuri Affiche tutarabyumvikanyeho pe, namusanze iwe turavugana turabirangiza".

Ama G yatumiwe mu gitaramo cya Pedro Someone

Usibye Ama G, mu bandi Pedro Someone yatumiye harimo na Barafinda ufatwa nk'umunyarwenya. Iki gitaramo kizabera mu karere ka Kamonyi muri Salle yitwa Girimpuhwe i Kigese kuva saa cyenda z'amanywa kugeza saa kumi n'ebyiri z'umugoroba. 

Pedro Someone yadutangarije indirimbo 13 zigize album ye ya mbere agiye kumurika. Muri zo izifite amashusho ni: Umwaka urarangiye, Happy new year, Umugore mwiza, Ni wowe, Tubyumve kimwe na Umpumurize. Izindi zitarakorerwa amashusho ni; Umunzani, Uranyemeje, Mariam, Ngushimire, Ndagukunda, Uri uwambere n'Impeta. 

Umuhanzi Pedro Someone

Pedro Someone afatanya umuziki n'umwuga w'ubuganga

REBA HANO 'UMUGORE MWIZA' YA PEDRO SOMEONE