Kuri uyu wa Gatanu tariki 30 Kamena 2017 nibwo mu Rwanda hatangira imikino ya kamarampaka(Playoffs), imikino ikinwa n’amakipe yaje mu myanya ine ya mbere muri shampiyona haba mu bagore n’abagabo. Mu bagabo ikipe ya REG BBC yatwaye igikombe cya shampiyona izatangira iri rushanwa yisobanura na Espoir BBC yarangije ku mwanya wa kane.
Ikipe ya REG Basketball Club yamaze guhabwa igikombe na miliyoni imwe n’igice by’amafaranga y’u Rwanda (1.500.000 FRW), izaba ifungura iyi mikino ngarukamwaka ihura na Espoir BBC yarangije shampiyona iri ku mwanya wa kane n’amanota 30 mu mikino 18 buri kipe yakinnye muri shampiyona y’umwaka w’imikino 2016-2017.
Abakinnyi bakomeye bagomba kwitegwa muri uyu mukino uzakinwa saa kumi n’ebyiri z’umugoroba muri sitade nto ya Remera (18h00’) barimo; Kami Kabange, Kubwimana Kazingufu Ali kapiteni wa REG BBC, Ngandu Bienvenue, Mukengerwa Benjamin n’abandi bo ku ruhande rwa REG BBC baraba bipima na Shyaka Olivier Kapiteni wa Espoir BBC, Mbanze Bryan, Niyonkuru Pascal Kaceka n’abandi bakinira Espoir BBC.
Nyuma y’uyu mukino uzakinwa saa kumi n’ebyiri (18h00’), hazakurikiraho umukino utoroshye uzahuza Patriots BBC ikina na IPRC Kigali BBC, umukino uzakinwa saa mbili z’umugoroba (20h00’) muri sitade nto ya Remera.
Iyi mikino izakomeza kuwa Gatandatu tariki ya 1 Nyakanga 2017 mu cyiciro cy’abagore aho saa cyenda (15h00’) ikipe ya APR WBBC yatwaye igikombe cya shampiyona izaba ikina na The Hoops Rwa yarangije shampiyona yicaye ku mwanya wa kane. Undi mukino uzakinwa saa kumi n’imwe z’umugoroba (17h00’) ubwo IPRC South WBBC yarangije ku mwanya wa kabir izaba yakira Ubumwe WBBC yatahanye umwanya wa gatatu muri shampiyona. Imikino kandi izakomeza ku Cyumweru tariki ya 2 Nyakanga 2017.
Mbanze Bryan wa Espoir BBC (6) ni umwe mu bakinnyi bazaba bayifasha kwitwara neza
Dore uko amakipe azahura kugeza ku Cyumweru:
Kuwa Gatanu tariki 30 Kamena 2017
-REG BBC vs Espoir BBC (Petit Stade Remera, 18h00’)
-Patriots BBC vs IPRC Kigali (Petit Stade Remera, 20h00’)
Kuwa Gatandatu tariki ya 1 Nyakanga 2017
-APR WBBC vs The Hoops Rwa (Petit Stade Remera, 15h00’)
-IPRC South WBBC vs Ubumwe WBBC (Petit Stade Remera, 17h00’)
Ku Cyumweru tariki ya 2 Nyakanga 2017
-The Hoops Rwa vs APR WBBC (Petit Stade Remera, 14h00’)
-Ubumwe WBBC vs IPRC South WBBC (Petit Stade Remera, 16h00’)
-Espoir BBC vs REG BBC (Petit Stade Remera, 18h00’)
-IPRC Kigali BBC vs Patriots BBC (Petit Stade Remera, 20h00’)
Imboneraghamwe igaragaza uko imikino izakinwa
Eng
RSS 
TANGA IGITECYEREZO