Ubuzima bwa Ashenafi wagizwe umugore wa mbere ukuriye urukiko rw’ikirenga muri Ethiopia bwakinwe na Angelina jolie muri filime Difret

Meaza Ashenafi yari yatanzwe nk'umukandida kuri uwo mwanya na Abiy Ahmed, minisitiri w'intebe wa Ethiopia.Madamu Ashenafi w'imyaka 54 y'amavuko, yemejwe n'abadepite nta n'umwe uvuyemo.Iri torwa rije rikurikira itorwa ry’umugore wa  mbere mu mateka ku ntebe y’umukuru w’iki gihugu,Mu cyumweru gishize, Sahle-Work Zewde yatowe nka Perezida wa Ethiopia wa mbere w'umugore - umwanya w'umuhango kuko, bijyanye n'itegekonshinga, ubutegetsi bwa politiki bufitwe na minisitiri w'intebe.

Aberash Bekel (ibumoso) wakiniwe ubuzima muri filime Difret na Angelina Jolie (Iburyo)

Ubuzima bwa Madamu Ashenafi  nk'umucamanza w'umwunganizi mu by'amategeko, bwanagarutsweho mu mwaka wa 2014 muri filime Difret ya Angelina Jolie yasohotse mu mwaka wa 2014,Iyi filime ivuga ku nkuru yabayeho y'umwunganizi mu by'amategeko wari uri kurwanirira uburenganzira bw'umwana w'umukobwa wo mu cyaro wari washimuswe ngo ashyingirwe akiri muto hakurikijwe imigenzo y'i wabo mu majyepfo ya Ethiopia, umukobwa w'imyaka 14 akaza kwirwanaho bikarangira yishe uwari wamushimuse ariko akajyanwa mu butabera aryozwa icyaha cy'ubwicanyi kubw'amahirwe umucamanza akaza kumufasha gutsinda uru rubanza.uyu munyamategeko wakinwe niwe Meaza Ashenafi,ubu uyoboye urukiko rw’ikirenga rwa Ethiopia

Mu mwaka wa 1995, Madamu Ashenafi kandi yashinze ishyirahamwe ry'abagore b'abunganizi mu by'amategeko bo muri Ethiopia.Mbere yaho yari umucamanza mu rukiko rukuru ndetse yagiriye inama itsinda ryateguye itegekonshinga rishya rya Ethiopia mu myaka ya 1990.Madamu Ashenafi yanakoze mu muryango w'abibumbye mu kanama k'ubukungu kita kuri Afurika.

Nyuma yo gutsinda urubanza akiri muto, ubu Aberash Bekele ni impirimbanyi y'uburenganzira bw'umugore n'umwana w'umukobwa

Src:BBC