Wari uzi ko gusiga Vernis ku nzara bishobora kukugiraho ingaruka mbi ?

Burya ngo aya marangi atandukanye abagore n’abakobwa bakunda gusiga ku nzara agira ingaruka ku buzima bwabo n'ubwo benshi batari babizi. Ni ibintu byakuwe mu bushakashatsi bwakozwe n’abantu bo muri Duke University aho basanze muri aya marangi habamo uburozi buzwi nka Tripheny Phosphate bufite ubushobozi bwo kwinjira mu mubiri w’umuntu bukangiza imwe mu misemburo iwugize.

Ubu burozi bushyirwa muri za vernis mu rwego rwo kugira ngo ifate cyane kandi izabashe kuramba ku nzara igihe kirekire. Iyo ubu burozi bumaze kwinjira mu mubiri w’umuntu rero bituma habaho kwivumbagatanya kwaho bikaba byateza bimwe mu bibazo birimo umubyibuho ukabije ndetse n’ibibazo byo mu bwonko.

Byari byiza gusiga amarangi ku nzara ariko na none ni byiza kurushaho kubireka kugirango hirindwe ingaruka zishobora guterwa no kuyasiga ku nzara

Src:Medecinenet.com