Uyu munsi ni umunsi mpuzamahanga w’amahoro: bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1792: Inama y’igihugu y’ubufaransa yatangije Repubulika mu Bufaransa bihita bisoza ubutegetsi bwa cyami muri iki gihugu.

1937: Igitabo cya The Hobbit cy’umwanditsi J. R. R. Tolkien cyashyizwe ahagaragara. Iki gitabo kikaba aricyo cyakozwemo filime za The Hobbit.

1964: Igihugu cya Malta cyabonye ubwigenge bwacyo ku gihugu cy’ubwongereza.

1965: Ibihugu bya Gambiya, Moldoviya, na Singapore byinjiye mu muryango w’abibumbye.

1971: Ibihugu bya Bahrain, Bhutan, na Qatar byinjiye mu muryango w’abibumbye.

1976: Ibirwa bya Seychelles byinjiye mu muryango w’abibumbye.

1977: Ibihugu bigera kuri 15 harimo na Leta zunze ubumwe za Amerika n’uburusiya byasinye amasezerano yo guhagarika ikorwa ry’intwaro za kirimbuzi.

1991: Igihugu cya Armenia cyavuye mu bihugu byari bigize ubumwe bw’abasoviyeti.

2013: Inzu y’isoko ya Westgate Mall mu gihugu cya Kenya yatewe n’abarwanyi b’umutwe wa al-Shabaab, ubwicanyi bwaguyemo abantu bagera kuri 67.

Abantu bavutse uyu munsi:

1896: Walter Breuning, umunyamerika akaba umwe mu bantu bamenyekanye wabayeho igihe kirekire ni bwo yavutse aza kwitaba Imana mu 2011.

1909: Kwame Nkrumah, umunye-Ghana waharaniye ubwigenge akaba yaranabaye perezida wa mbere wa Ghana nyuma y’ubwigenge nibwo yavutse aza gutabaruka mu 1972.

1934: Leonard Cohen, umuririmbyi w'umunyakanada waririmbye indirimbo 'Hallelujah' yasubiwemo inshuro zirenga 300 yaravutse aza kwitaba Imana umwaka ushize muri 2016

1957: Ethan Coen, umwanditsi umuyobozi akaba n’umushoramari wa filime w’umunyamerika ni bwo yavutse.

1980: Kareena Kapoor, umukinnyikazi wa film w’umuhindi yabonye izuba.

1984: Wale, umuraperi w’umunyamerika nibwo yavutse.

1986: Lindsey Stirling, umunyamerikakazi umaze kwamamara mu gucuranga igikoresho cy’umuziki cya Violin nibwo yavutse.

1989: Jason Derulo, umuririmbyi w’injyana ya RnB w’umunyamerika akaba ari n’umubyinnyi n’umukinnyi wa film yabonye izuba.

Abantu bitabye Imana uyu munsi:

2006: Boz Burnell, umuririmbyi w’umwongereza wameyekanye mu itsinda rya Bad Company yitabye Imana.

2007: Alice Ghostley, umukinnyikazi wa film w’umunyamerika wamenyekanye muri film z’uruhererekane za Bewitched yitabye Imana.

Iminsi yizihizwa uyu munsi:

Uyu munsi ni umunsi mpuzamahanga w’amahoro