Umugore w'umushinwakazi yiyahuye yica n'abana be 2 nyuma yo kumenya amakuru y'ibinyoma ko umugabo we yapfuye.
Uyu mugore yiyahuye nyuma yo kumenya amakuru y'uko umugabo we yapfiriye mu mpanuka y'imodoka ,icyakora umurambo w'uyu mugabo w'imyaka 34 wari utaraboneka bivugwa ko wari waburiwe irengero.
Uyu mugore mbere yo kwiyahura yaciye amarenga abinyujije ku rubuga nkoranyambaga rwe rwa wechat ,avuga ko atagishaka kubaho kuko atigeze yifuza na gato kubaho ubuzima bwo kurera abana ari umwe ,ko yifuzaga kugumana n'umugabo bakarerana abana babo 2 bakubakana umuryango.
Ibiro ntaramakuru by'abashinwa Xinhua byatangaje ko uyu mugabo atari yapfuye cyari ikinyoma ahubwo yari yitanze mu maboko y'inzego z'umutekano kubera umwenda afite w'ibihumbi 100 by'amayuan akoreshwa mu bushinwa ndetse anakurikiranweho n'icyaha cy'ubucuruzi bwa forode.
Polisi y'ubushinwa yatangaje ko uyu mugabo nubwo akurikiranwe n'inzego z'umutekano ngo yiregura avuga ko ibi byaha byose yabikoze ashaka amafaranga yo kuvuza umwe mu bana be w'umukobwa w'imyaka 3 wari ufite uburwayi bw'igicuri.
Polisi y'u Bushinwa ivuga ko uyu mugabo atabwiye umugore we ko yaateganyaga kwishyira mu maboko ya polisi .
Nyuma yo kumenya ko umuryango we wose uyu mugabo yashyize hanze amashusho arira agaragaza akababaro atewe no kubura umuryango,anatanga ubuhamya bw'ibi byamubayeho,amashusho yarebwe n'abatari bacye bagera kuri miliyoni 29 mu Bushinwa.
Src; The independant
TANGA IGITECYEREZO