Ebola yo muri Kongo ubu ni yo ya kabiri ikaze cyane ibayeho mu mateka-OMS

OMS yemeza ko icyorezo cya Ebola cyibasiye igihugu cya repubulika iharanira demokarasi ya kongo uyigereranije n’iz’ibasiye ibindi bihugu ku isi, iyi ifite ubukana bwinshi ariko nanone itarusha ubukana bw’iyibasiye uburengerazuba bw’Afurika yo hagati y’umwaka wa 2013 na 2016. Icyorezo cya Ebora kibasiye ibihugu bya Guinea, Liberia na Sierra leone cyahitanye abaturage bagera ku 11,310 b’ibi bihugu.

OMS ivuga ko kuri ubu iyi ndwara ya Ebola imaze guhitana abarenga 200 naho 126 bakaba bamaze kuyikira kuva mu yakongera kubura muri uyu mwaka wa 2018 mu kwezi kwa 8.Ni ubwa kabiri Ebola igaragaye muri Kongo muri uyu mwaka wa 2018. Ubwa mbere, ubwo yadukaga mu burengerazuba bw'igihugu, yahitanye abantu 33, nkuko bitangazwa na leta ya Kongo.

Abinyujije ku rukuta rwe rwa twitter Peter Salama, umuyobozi mukuru wungirije wa OMS ushinzwe ibikorwa by'ubutabazi bwihuse, yagize ati:"Ebola yo muri Kongo ubu ni yo ya kabiri ikaze cyane ibayeho mu mateka,OMS n'abafatanyabikorwa tuzakomeza gukorana bya hafi na minisiteri y'ubuzima muri Kongo dukora ibishoboka byose ngo iyi ndwara icike".

Hagati aho OMS ivuga ko umujyi wa Beni no mu nkengero zawo,hibasiwe n’iki cyorezo cya Ebola kuri ubu  abantu 379 byamaze kwemezwa ko bayirwaye mu gihe 47 bacyekwa kuyirwara, ibituma iyi ndwara irenga mu bukana kuri Ebola yadutse muri Uganda mu mwaka wa 2000.OMS yemeza kandi ko kuba umujyi wa Beni uri rwagati mu gace k'imirwano, bikomeje gutuma ibikorwa by'ubutabazi bikomwa mu nkokora n'ibitero by'inyeshyamba.

Src: BBC