Umubare w'abahitanywe n'icyorezo cya Ebola ukomeje kuzamuka, kuri ubu bageze kuri 55. Kuva mu ntangiro z'uku kwezi kwa 8, ni bwo icyorezo kibasiye Uburasirazuba bwa Repubulika iharanira demokarasi ya Congo.
Leta y'iki gihugu itangaza ko igiye gutangira kuvurira ubuntu abarwaye Ebola mu rwego rwo gukumira iki cyorezo. Inkingo n'imiti ya Ebola ikiri mu igeragezwa, ni byo biri kwifashishwa mu gukumira ko Ebola isakara no mu bice itarageramo. Minisitei y'ubuzima muri iki gihugu ivuga ko umubare w'abarwayi ba Ebola uzakomeza kwiyongera ndetse kuri ubu ibigo 2 biri kuvurirwamo Ebola mu ntara ya Kivu y'Amajyaruguru ngo byenda kurengerwa mu bushobozi kuko byakira abarwayi babirenze ubushobozi.
Ishami ry'Umuryango w'Abibumbye ryita ku buzima OMS rivuga ko ubutabazi muri iyi Ntara ya Kivu y'Amajyaruguru ari ingorabahizi kuko ikirangwamo umutekano mucye. Kuri ubu abantu 96 nabo bamaze kwandura, abandi 2,157 bahuye n'abanduye ibibashyira mu byago byo guhitanwa n'iki cyorezo.
Eng
RSS 
TANGA IGITECYEREZO