Dore uko wakwivura stress ukoresheje intoki zawe

Mu gutunganya neza ibyo abantu baba bashinzwe gukora rero usanga n'ubwo ibyo bagomba gukora babikora ariko bamwe bagahuriramo n’ingaruka zitandukanye zirimo kugira wa munaniro mwinshi uherekejwe n’umujinya, agahinda, ubwoba bw’uko ibyo yakoze ashobora kuba atabikoranye ubushishozi, guhangayika n’ibindi.

Ikindi ukwiye kumenya kandi ni uko iyo umuntu adafite uburyo bwiza bwo guhagarika stress yagize bishobora kumuviramo ingaruka zirimo indwara z’umutima ndetse na diabete.

Ese ni gute wakwivura stress?

Hari uburyo bwinshi butandukanye bwavumbuwe bwo kwivura stress burimo gukora imyitozo ngororangingo, gusoma tumwe mu dutabo dushimishije ku bakunda gusoma, gufata akanya uri wenyine benshi bakunze kwita meditation, ukumva zimwe mu ndirimbo ukunda n’ibindi byinshi.

Gusa uyu munsi twahisemo kubabwira bumwe mu buryo bwo kwivura stress ariko ukoresheje intoki zawe.  Gufata ku mpera rw’urutoki rw’igikumwe ukarukuba gacye cyacye mu gihe kingana n’iminota itanu bizagufsha guhumeka neza mu gihe stress yari yakuzengereje. Mu gihe kandi wumva muri wowe ufite gushidikanya ushobora gukoresha ubu buryo, ubuzima bwawe bugasubira ku murongo.

Niba ufite ubwoba bw’ibyakubayeho cyangwa se ibyo utekereza biri bukubeho ukumva byagutesheje umutwe, gerageza gufata urutoki rukurikira igikumwe urukube gahoro gahoro, mu gihe kingana n’iminota itanu ntabwo uzaba ugifite bwa bwoba.

Mu gihe ufite umujinya w’umuranduranzuzi bitewe n’uko umunsi wawe wagenze nabi wenda akazi wagakoze nabi cyangwa se hari n’uwakubwiye nabi, fata urutoki rwa musumbazose urukube gacye gacye. Nubikora mu gihe kingana n’iminota itanu nta mujinya uzaba ugifite.

Mu gihe wumva ufite agahinda n’umubabaro ushobora gufata urutoki  rubanziriza agahera ukarukorera massage mu gihe gito gusa, ka gahinda kose ntumenya aho kanyuze.

Mu gihe wumva witakarije icyizere burundu ukumva nta n’icyo umaze bitewe n’uko umunsi wawe wagenze cyangwa se utabashije gukora akazi kawe nk'uko kari gukorwa bigatuma wiheba, fata urutoki rwawe rw’agahera urukorere massage mu gihe kingana n’iminota itanu gusa uraza kugubwa neza.

 Src: amelioretasante.com