Cubaka Justin umwe mu bacuranzi b'abahanga u Rwanda rufite mu gucuranga gitari, yateguye igitaramo yise 'Gospel Live Jazz' cyizitabirwa n'Intumwa y'Imana Masasu Yoshuwa n'umufasha we Pastor Lydia Masasu ndetse n'abahanzi banyuranye.
Iki gitaramo cya Cubaka Justin giteganyijwe kuri iki Cyumweru tariki 21 Ukwakira 2018 kuva Saa Kumi z'umugoroba kuri Restoration church i Masaro. Mu bahanzi Cubaka Justin yatumiye bazafatanya na we muri iki gitaramo hari; Christian Irimbere, Serge Iyamuremye, Arsene Tuyi, Shekinah worship team, Gisubizo Ministries na Patient Bizimana. Kwinjira ni ubuntu ku bantu bose.
Umuhanzi Cubaka Justin
Mu kiganiro na Inyarwanda.com, Cubaka yadutangarije ko intego nyamukuru y'iki gitaramo yatumiyemo Apotre Masasu n'abahanzi banyuranye, ari ivugabutumwa risana imitima ibabaye no guha ibyiringiro abantu bababaye. Yagize ati: "Intego ni ivugabutumwa ryo gusana imitima ibabaye, guha ibyiringiro abantu bihebye no kuzamura musique Gospel mu Rwanda mu buryo bwa Live record."
Patient Bizimana azaririmba mu gitaramo cya Cubaka
Serge Iyamuremye nawe azaririmba muri iki gitaramo
Apotre Masasu n'umufasha we bazitabira igitaramo cya Cubaka
Eng
RSS 
TANGA IGITECYEREZO