Ku mugoroba w'uyu wa Kabiri tariki ya 1 Kanama 2018 ni bwo itsinda Christafari rihimbaza Imana mu njyana ya Reggae ndetse rikunzwe cyane ku isi, ryasesekaye i Kanombe ku kibuga mpuzamahanga cya Kigali. Aba baririmbyi b'ibyamamare baje mu Rwanda ku butumire bwa Beauty For Ashes.
Ni ku nshuro ya mbere abagize Christafari bageze mu Rwanda. Bageze i Kanombe bakiranwa urugwiro rwinshi na bamwe mu bagize Beauty For Ashes ndetse n'inshuti zabo. Baje mu Rwanda mu gitaramo 'Unstoppable' batumiwemo na Beauty For Ashes yamamaye mu ndirimbo; 'Siripurize', 'Yesu ni sawa', 'Turashima' n'izindi.
Christafari basesekaye i Kigali ku butumire bwa Beauty for Ashes
Ni igitaramo kizaba ku wa Gatandatu tariki 04/08/2018 kuva saa kumi n'imwe z'umugoroba, kibere Camp Kigali. Kwinjira muri iki gitaramo ni 5,000Frw mu myanya isanzwe naho mu myanya y'icyubahiro akaba ari 10,000Frw. Ni igitaramo cyatumiwemo Christafari Band itsinda riyoboye isi muri Gospel mu njyana Reggae.
Christafari ni itsinda ryashinzwe mu mwaka wa 1990 n'umunyamerika Mark Mohr wakuriye mu muryango w'abakristo. Christafari, ni ryo tsinda rya mbere ku isi ry'abahanzi b'abakristo bakora umuziki wa Gospel mu njyana ya Reggae. Kuva iri tsinda rishinzwe kugeza uyu munsi, rimaze kugurisha album z'indirimbo zigera ku bihumbi 500 (Kimwe cya kabiri cya miliyoni). Magingo aya ni nabo baza ku isonga ku isi mu bahanzi ba Gospel bakora injyana ya Reggae bagurisha cyane umuziki wabo.
Christafari bamaze gukora indirimbo zinyuranye zikunzwe ku isi yose. Izo ndirimbo zirimo: Hosanna (imaze kurebwa inshuro zirenga miliyoni 10 kuri Youtube), Here I am to worship, Oceans (Where Feet May Fail), How great is our God, 10,000 reasons, Rescue me, He is greater than I n'izindi. Original love ni imwe mu ndirimbo zabo nshya, bayishyize hanze mu kwezi kwa Nyakanga 2018.
Igitaramo Christafari batumiwemo i Kigali na Beauty For Ashes
Eng
RSS 
TANGA IGITECYEREZO