Umukinnyi wa filimi ukomoka mu gihugiu cy’u Buhinde wamamaye cyane muri filimi zitandukanye ndetse n’ibikorwa by’urukundo akora buri mwaka abifatanyije no kwita ku iterambere ry’abagore n’abakobwa, Chopra Priyanka yatunguye bikomeye mugenzi we bakinana ama filimi Russell Tovey utibukaga ko ejo wari umunsi we w’amavuko.
Mu mezi 12 ashize nibwo Chopra Priyanka w’imyaka 35 yahuye na Russell Tovey wujuje imyaka 36 ejo kuwa 2. Bahujwe na filimi bari gukinamo mu mujyi wa New York, baba inshuti magara ku buryo butangaje. Muri iyo filimi bari gukina ndetse banafatiraga amashusho ku munsi w’ejo, Priyanka aba akina nk’umukozi wa FBI uza guhinduka umukozi wa CIA. Yaje gutungura uyu mwongereza Russell ubwo yagendaga amwihisha inyuma anaseka cyane ariko Rassell we akayoberwa impamvu ndetse akanacyaha Priyanka amwereka ko ibyo ari gukora bitari muri iyo filimi.
Priyanka Chopra yakinaga aseka ariko Rassell we ntabyiteho akagira ngo ni ibisanzwe bye
Byageze aho Rassell acyaha Priyanka amubuza gukomeza guseka kuko bitari biri mu byo bagombaga gukina muri filimi
Bidatinze bakiri gukina filimi, uyu mukobwa wigeze no kuba Nyampinga w’isi, Chopra Priyanka mu buryo bwatunguye bukanamushimisha cyane Rassell ukina ari MI-6 muri iyi filimi, yaje kumuhinguka imbere afite Umutsima wanditseho amagambo amwifuriza isabukuru nziza (Birthday Cake).
Priyanka yaje gutunguka imbere ya Rassell afite umutsima wanditseho amagambo amwifuriza Isabukuru nziza
Akimara kuyimugeza imbere yafatanyije na bagenzi be bari bari gukinana muri filimi n’abari bayiyoboye maze bahita batangira kumusiga imitako yo kuri uwo mutsima mu maso banamuririmbira bamwifuriza umunsi mwiza w’amavuko.
Chopra yahise atangira gusiga Rassell imitako y'umutsima mu maso na bagenzi be bafatanya kumuririmbira
TANGA IGITECYEREZO