PGGSS5 - Uko byari byifashe mu gitaramo cya Primus Guma Guma Super Star i Muhanga(AMAFOTO)

Nk’ibisanzwe mbere y’uko abahanzi batangira gutaramira abakunzi b’ibihangano byabo, abafana babanje kwizihirwa basusurutswa n’umuziki wa Dj Bissosso wafatanyaga na Mc Anitha wayoboye iki gitaramo wenyine bwa mbere kuri iyi nshuro iri rushanwa rya PGGSS5 ryatangira.

Mc Anitha arasusurutsa abafana i Muhanga

Anitha uyu munsi yari wenyine kuri stage

Ikipe y'akanama nkemurampaka nayo yakomeje imirimo yayo nk'ibisanzwe yari igizwe n'abagabo babiri, Aimable Twahirwa na Mc Lion Imanzi hamwe n'umuhanzikazi Uwitonze Clementine(Tonzi), bakurikiraga uburyo buri muhanzi yitwara bakamuha amanota amukwiriye.

Abakempurampaka bicaye mu myanya yabo biteguye akazi

Knowless niwe muhanzi wabanjirije bagenzi be. Uyu mukobwa akaba yari ashyigikiwe cyane n'abafana be ba hano i Muhanga yaririmbaga bamwikiriza, bafatanya, byatumye iki gitaramo gitangirana ubushyuhe. Mu ndirimbo ze nka Baramushaka, Sweet mutima, n'izindi akaba yashimishije mu buryo bugaragara abafana be.

Imyambarire ya Knowless(style) muri iri rushanwa ikomeje gutandukana cyane n'imyambarire ye yo muri PGGSS III yaherukagamo

Abafana ba Knowless barabyina Sweet mutima

Nyuma ya Knowless, abasore babiri bagize itsinda rya TNP, Passy n'umuraperi Tracy nibo bahise bakurikiraho. Aba basore mu kubahamagara iteka Anitha yemeza ko aribo basore baberwa cyane muri iri rushanwa bituma abafana baba bifuza kubabona dore ko ari ku nshuro yabo ya mbere bagaragara muri iri rushanwa.

Passy na Tracy i Muhanga

Passy

Tracy

Itsinda rya Active niryo ryakurikiyeho. Aba basore babifashijwemo n'imibyinire yabo y'umwihariko bakaba bagize perfomance nziza cyane i Muhanga yishimiwe mu buryo bukomeye n'abafana babo.

Active

Tizzo imbere y'abafana

Olivis na Dereck mu ndirimbo Lift

Active bitwaye neza imbere y'abafana babo i Muhanga

Senderi umugabo w'udukoryo twinshi niwe wakurikiyeho kuri stage, aho uyu mugabo yasesekaye muri uyu mujyi yambaye nk'ababutsi ariko igihe cyo kujya kuri stage kigeze azamuka yambaye imyenda y'ikipe ya Rayon Sport na ballon.

Ni gutya yatungutse kuri stage

Yaje gutera uyu mupira mu bafana muri ubu buryo

Senderi imbere y'abafana be

Senderi yajyanaga n'abafana i Muhanga mu ndirimbo ze nka Jalousie, AbaRayon,...

Bull Dogg, umuraperi uhagarariye itsinda rya Tuff Gangs ryazanye style nshya y'injyana ya hip hop Old skul, niwe ukurikiyeho. Nk'ibisanzwe Bull Dogg aherekejwe na Kharfan

Bull Dogg i Muhanga

Abafana barabyina hip hop ya Bull Dogg

Bamushyize mu bitugu arakurikira igitaramo neza

Bull Dogg mu njyana ze, Nk'umusaza, Icyuki,...

Dream boys, itsinda rya TMC na Platini bahatania Primus Guma Guma Super Star ku nshuro ya gatanu, nibo bakurikiyeho. Aba basore nabo bakaba banyuze I Muhanga bemye mu ndirimbo zabo nka Mumutashye, Urare aharyana,Tujyane iwacu…babyinishije imbaga y'abafana.

Dream boys i Muhanga

TMC

Platini imbere y'abafana be

Umuraperikazi Paccy niwe wakurikiyeho, uyu mukobwa nawe ataramira neza abafana be b'i Muhanga ku nshuro ye ya mbere muri Primus Guma Guma Super Star ya 5. 

Abafana barabyinana na Dream boys

Platini arabasezeraho abasaba kuguma kubashyigikira

Paccy i Muhanga

Paccy yinjiye abamanurira imirongo mu ndirimbo ye ya cyera ya hip hop agira ati " Ese nzapfa", nyuma akomereza ku ndirimbo nka Rendez Vous, Umusirimu n'izindi

Paccy imbere y'abafana be

Bruce Mellody mu ndirimbo ze zikunzwe hirya no hino muri iyi minsi 'Ndakwanga', 'Ntundize', 'Ndumiwe' niwe wakurikiyeho, uyu musore yongere kwigaragaza i Muhanga nk'umuhanzi umaze kwigarurira imbaga y'abafana, aho aririmbana na stade yose.

Bruce Melody

Abafana barabyina umuziki wa Melody

Rafiki Mpazimaka, umwami wa Coga style niwe wakurikiye. Uyu mugabo nawe yashimishije abafana be mu njyana ze zitandukanye ziri mu njyana ya DanceHall nka Bagambe, Gikomando, Bwongoza fo,…

Rafiki i Muhanga

Rafiki imbere y'imbaga y'abafana be

Jules Sentore niwe muhanzi usoje igitaramo cyaberaga mu Muhanga, aho uyu musore yataramiye abakunzi be mu ndirimbo ze zitandukanye zirimo Dutaramane, Kora akazi, Angela n'izindi. Sentore yanyujijemo ashimira Massamba waje kumushyigikira muri iki gitaramo.

Jules Sentore

Ati Kora akazi

Jules Sentore imbere y'abafana b'umuziki i Muhanga

Massamba yaje yambaye umupira mwiza, uriho ifoto ya Perezida wa Repubulika Paul Kagame

Massamba yazamutse kuri stage asahuza abafana, abaririmbiraho agace gato mu ndirimbo 'Nyeganyega'

Abakobwa beza baba bari tayari gutanga icyo kunywa

Primus inzoga ihuza abahanzi n'abafana babo

Ibihe byiza byo gusabana...

Sandra Miraj, Green P na Khizz bari baje kwihera amaso iki gitaramo

Twongere tubibutse ko iri rushanwa ritegurwa n’uruganda rwa Bralirwa rubinyujije mu kinyobwa cyayo cya Primus, ari nayo mpamvu aho ibi bitaramo biba byabereye hose iki kinyobwa kiba cyashyizwe kuri poromosiyo. Ni ku bufatanye kandi na EAP(East African Promoters) izobereye mu gutegura ibitaramo n’indi mishinga ijyanye nabyo, ikaba ari nayo itanga ibyuma bya muzika byifashishwa muri ibi bitaramo yaba Semi-live na live.

Nk'ibisanzwe nyuma y'igitaramo akanama nkemurampaka gashyikiriza amanota ikigo cya PWC gikora ibarura ry'ibyavuye hirya no hino mu bitaramo byose

Ni ku nshuro ya gatanu iri rushanwa rihatanirwa. Ku nshuro ya mbere ryegukanywe n’umuhanzi Tom Close, akurikirwa na King James, Riderman, na Jay Polly uheruka. Ese kuri iyi nshuro wowe ninde uha amahirwe?

Photo/Niyonzima Moise