Nk’uko byari biteganyijwe, ku wa Gatandatu tariki ya 14 Mutarama 2017 ni bwo urugendo rwo gushaka umukobwa ufite ubwenge n’uburanga bihebuje uzegukana ikamba rya Miss Rwanda 2017, rwatangiriye i Rubavu mu Ntara y’Uburengerazuba, aho abakobwa biyizeye bari babukereye baje kugerageza amahirwe yabo.
Kuva ahagana ku isaha ya saa tanu z'amanywa, abakobwa ba mbere bari batangiye kugera kuri Belvedere hotel aho igikorwa cyo guhitamo aba mbere bujuje ibisabwa cyabereye. Ibyangombwa by'ibanze nabyo nk'umunzani upima ibiro bafite n'ibipimo by'uburebure byari byateguwe, ababishinzwe batangira kugenzura imyirondoro y'abakobwa bahageze, nyuma hatoranywa abazahagararira iyi Ntara muri Miss Rwanda 2017.
Tariki 04 Gashyantare 2017 hazaba ijonjora ry'abakobwa 15 (Pre-selection Top 15), igikorwa kizabera i Remera kuri Peti stade, abakobwa 15 bazaba batoranijwe nibo bazahita bajyanwa muri ‘Boot camp’ i Nyamata muri Golden Tulip La Palisse Kigali aho bazaba bari kuva tariki ya 12 Gashyantare kugeza kuri 24 z’uku kwezi, maze kuri 25/02/2017 hazabe umuhango mukuru (Grand Finale), aho nyampinga w’u Rwanda 2017 azarara amenyekanye muri iryo joro mu birori bizabera mu ihema rya Camp Kigali.
Eng
RSS 
TANGA IGITECYEREZO