Kwibuka24:Ange Kagame yunamiye abazize Jenoside yakorewe abatutsi anatanga ubutumwa bw'ihumure

Kuri uyu wa 7 Mata 2018 ubwo u Rwanda rwinjiraga mu gihe cyo kwibuka ku nshuro ya 24 Jenoside yakorewe abatutsi, Ange Kagame yunamiye abazize Jenoside yakorewe abatutsi atangaza ko batazibagirana ahubwo ko bazahora bibukwa, anahumuriza abarokotse Jenoside yakorewe abatutsi muri Mata 1994 igahitana inzirakarengane zisaga miliyoni imwe mu minsi 100 gusa. 

Mu butumwa yatanze akoresheje urubuga rwa Twitter, Ange Kagame yavuze ko abazize Jenoside yakorewe abatutsi batazibagirana mu mitima y'abanyarwanda kuko bazahora bibukwa. Yagize ati: "Ku bo dukunda twabuze mu myaka 24 ishize, turabubaha kandi tuzakora iteka tubibuka". Yakomeje yihanganisha abarokotse Jenoside yakorewe abatutsi, bakanyura mu buzima bubabaje cyane ababwira ko abanyarwanda bari kumwe nabo.

Ubutumwa Ange Kagame yatanze muri iki gihe cyo kwibuka ku nshuro ya 24 Jenoside yakorewe abatutsi

Ange Kagame mu kunamira abazize Jenoside yakorewe abatutsi