KNC Imfurayiwacu ni umuhanzi wa muzika, filime, amakinamico n’ibindi binyuranye akaba n’umunyamakuru afite, uyu yari amaze imyaka irenga itanu adakora umuziki asa n'uwawuhagaritse, icyakora kuri uyu wa mbere tariki 15 Mutarama 2018 yabwiye itangazamakuru ko agarutse muri muzika kandi azanye Album nshya azamurika muri Nyakanga 2018.
Iyi Album nshya ya KNC yayise Heart desire, iri rikaba ari izina yanahaye indirimbo ye nshya yanamaze gushyira hanze. Iyi ndirimbo ye nshya ni yo ya mbere ashyize hanze nyuma yo gufata icyemezo cyo kugaruka mu muziki, usibye nanone ko anahamya ko nyuma yo kumurika Album ye nshya ashobora guhita asezera muzika na cyane ko yifuza kuyisezera mu cyubahiro nk’umuhanzi usa n'uwatangiranye na muzika uyu munsi turi kubona.
KNC ubwo yaganiraga n'abanyamakuru
Usibye iyi ndirimbo nshya yashyize hanze, KNC yabwiye abanyamakuru ko hari izindi ndirimbo ari gukoraho zirimo iyo ari gukorana na Papito umuraperi wamenyekanye cyane muri Tanzania ndetse na Navio umwe mu baraperi bakomeye muri Uganda. Amashusho y’iyi ndirimbo ye nshya yamaze kujya hanze, yafashwe anatunganywa na Producer Gilbert The Benjamin. Iyi ndirimbo ni nayo yitiriwe Album nshya azamurika muri Nyakanga 2018 mu gitaramo yatangaje ko azatumiramo Yvonne Chaka Chaka, umuhanzikazi ukomeye mu gihugu cya Afrika y'Epfo.
REBA HANO IYI NDIRIMBO NSHYA YA KNC IMFURAYACU ‘HEART DESIRE’
Eng
RSS 
TANGA IGITECYEREZO