Kitoko Bibarwa umaze iminsi igera kuri 20 mu Rwanda aho yafatanije n’abandi bahanzi banyuranye mu kwamamaza Paul Kagame wari umukandinda wa FPR Inkotanyi mu matora ya Perezida wa Repubulika, yamaze gusubira mu Bwongereza.
Mu ijoro ry’uyu wa Kabiri tariki 29 Kanama 2017 ni bwo Musabwa Patrick uzwi cyane nka Kitoko Bibarwa yafashe rutemikirere yerekeza mu Bwongereza. Kitoko yabwiye Inyarwanda.com ko azajya agaruka kenshi mu Rwanda. Yatangarije itangazamakuru ko nyuma y'amasomo ye ateganya kugaruka kuba mu Rwanda akahakorera ibikorwa bye by’umuziki.
Tariki 13 Nyakanga 2017 mu masaha ya nijoro, ni bwo Kitoko yageze i Kigali nyuma y’imyaka ine yari amaze yibera mu Bwongereza. Kitoko ni umuhanzi nyarwanda wamenyekanye mu ndirimbo zitandukanye nka 'Agakecuru kanjye', Imfura y'inzozi, 'You', ‘Ikiragi’,’Ifaranga’,‘Shitani’, ‘Kano kana’, ‘Rurashonga’, ‘Amadayimoni’ n’izindi zirimo ‘Thank You Kagame’ aheruka gushyira hanze.
Ubwo Kitoko yageraga i Kigali nyuma y'imyaka 4 aba mu Bwongereza
REBA HANO UKO KITOKO YAKIRIWE AGEZE I KANOMBE NYUMA Y'IMYAKA 4
Eng
RSS 
TANGA IGITECYEREZO