Kigali Night Party ni ibitaramo ngarukakwezi bigiye kujya bibera muri Kigali, intego yabyo ikaba ari ukugaragaza ko umujyi wa Kigali ari ahantu umuntu yakwidagadurira no mu ijoro bijyanye n'uburyo umutekano uhagaze neza mu gihugu. Ku ikubitiro, Social Mula ni we watumiwe gususurutsa abazitabira igitaramo cya mbere.
Igitaramo cya mbere cya 'Kigali Night Party' kizaba ku wa Gatanu tariki 23 Ugushyingo 2018 akazaba ari uwa gatanu wa nyuma w'ukwezi umunsi uzajya uberaho ibi bitaramo ngarukakwezi. Ku ikubitiro iki gitaramo kizabera muri People Club ari naho bizakomeza kubera hatagize igihinduka dore ko ibiganiro bikomeje hagati y'ubuyobozi bwa People Club n'abategura iki gitaramo.
Kwinjira muri iki gitaramo cya 'Kigali Night Party' ni 5000frw, amafaranga n'ubundi amenyerewe mu kabyiniro ka People Club iyo batumiye umuhanzi. Iki gitaramo cyatumiwemo Social Mula, kiri kugirwamo uruhare yaba mu gutegura n'imigendekere myiza yacyo n'umukobwa uzwi nka Queen Diane ubusanzwe wamenyekanye mu gutegura ibitaramo binyuranye muri Canada aho yiga anaba muri iyi minsi.
Iki gitaramo cyatumiwemo Social Mula
Ibi bitaramo byateguwe mu rwego rwo guha abatuye umujyi wa Kigali baba bashaka kwidagadura kubona ahantu heza ho kwidagadurira kandi hari n'umuziki w'abahanzi cyangwa umuhanzi ugezweho ku buryo benshi bataramana nawe. Iyi niyo mpamvu nyiri izina iki gitaramo cyahise gitumirwamo Social Mula cyane ko ari umwe mu bahanzi bagezweho muri iyi minsi kuko afite nyinshi mu ndirimbo zagiye zikundwa bikomeye.
Eng
RSS 
TANGA IGITECYEREZO