Abasore batatu bagize itsinda The Mafia Punishers bashyize hanze amashusho y'indirimbo bise 'Sinabaho'. Amajwi y'iyi ndirimbo yatunganyijwe na Jimmy Pro muri Level 9 naho amashusho atunganywa na producer Onesme.
Mu kiganiro na Inyarwanda.com, Twagirumukiza Jean d'Amour uzwi nka Double Game mu muziki, akaba umwe mu bagize itsinda The Mafia Punishers (abahanny b'ibyihebe), yadutangarije ko iyi ndirimbo yabo 'Sinabaho' ivuga ku muntu ufite inshuti iba kure, urukumbuzi rukamubana rwinshi, ari naho bahereye baririmba bati 'Sinabaho tutari kumwe'.
The Mafia Punishers igizwe n'abasore batatu ari bo:Double Game, Big Man na Neym. Ni itsinda ryatangiye umuziki mu mwaka wa 2015. Mu muziki wabo, bakoresha injyana zitandukanye. Intego yabo mu muziki, ngo ni ukugera kure hashoboka bakarenga u Rwanda, bakaba abahanzi ku rwego mpuzamahanga. Bamaze gukora indirimbo 10 harimo eshatu zifite amashusho ari zo; Ndaheza, Umulisa na Sinabaho ndetse bafite n'indi nshya bitegura kumurika bise Inzozi.
REBA HANO AMASHUSHO Y'INDIRIMBO 'SINABAHO'
Eng
RSS 
TANGA IGITECYEREZO