Indirimbo z’amashusho zizatoranywamo iyahize izindi muri uku kwezi zashyizwe ahagaragara – URUTONDE

kuri ubu ubuyobozi bukuru bwa Bruco motion bwatangaje ko kuri uyu wa Gatandatu tariki ya 29 Kanama 2015 aribwo hazamenyekana indirimbo y’amashusho yahize izindi muri uku kwezi.

Ku nshuro ya mbere Christopher niwe wegukanye iki gihembo biturutse ku ndirimbo Ndakabya ft Riderman

Iyi ndirimbo ikazaza ikurikira indirimbo Ndakabya ya Christopher na Riderman yegukanye iki gihembo mu kwezi kwa Kamena, na Soroma nsorome ya Urban boyz ariyo yaherukaga kwegukana iki gihembo mu kwezi gushizi kwa Nyakanga. Izi zose zikaba ziziyongeraho izindi zo mu mezi ari imbere maze hazatoranywe izahiga izindi mu mwaka wa 2015.

Urban boys nibo baheruka kwegukana iki gihembo kubera indirimbo yabo Soroma nsorome

Nk’uko ubuyobozi bukuru bwa Bruco motion buhagarariwe na Ishimwe Bruce bwabidutangarije kuri iyi nshuro iki gikorwa kizabera live kuri TV10, ahazaba hatumiwe abahanzi bafite indirimbo zihatana, ndetse na bagenzi babo begukanye ibihembo byabanje, hanamirwe kandi bamwe mu bashoramari bo mu muziki nyarwanda n’abagira uruhare mu iterambere ryawo barimo Judo Kanobana uhagarariye Positive production na Richard Nsengumuremyi uhagarariye Super Level.

Ishimwe Bruce uhagarariye Bruco motion itegura iki gikorwa

Bruce Ishimwe ati “ Ibi twabitekereje mu rwego rwo kuganira no kungurana ibitekerezo kuri iki gikorwa. Nyuma yo kuganira nibwo hazabaho umwanya wo kumenya no kwishimira indirimbo yahize izindi. Muri uku kwezi twahisemo kubikorera muri TV10 kubera ko buri kwezi dusanzwe duhinduranya aho ibirori bibera kandi ibi bizaba ari uburyo bwiza bwo guha umwanya n’amahirwe abafana icyo Iwacu night na 10 Zikunzwe bigamije kandi bizanaha abafatanyabikorwa umwanya mwiza wo kwigaragaza.”

Biteganyijwe ko iki gikorwa kizatangira live kuri TV 10 kuva ku isaha ya saa mbili n’igice z’umugoroba kuri uyu wa Gatandatu.

Reba urutonde rw’indirimbo 13 zizavamo iyahize izindi

-Pekeyangu by knowless / Directed by Meddy Saleh

-Maria kariza by davis / Directed by The Benjamins

-Ni uwacu by Dany Vumbi / Directed by Ma~RivA

-NDAGUKUNDA By King James / Directed by Mariva

-Ntibyambaho by Two 4Real feat Ziggy55 / Directed by Ma~RivA

-Piquant by Riderman / Directed by IBLab.

-Swagg by Zappa ft Bull Dogg & Riderman / Directed by Ma~RivA

-Ko Nahindutse by The Ben / Directed by Cedru

-Zero Distance by ​

-Tom Close ft. Eddy Kenzo / Directed by Enos

-Malaika by Jay Polly / Directed by cord/Gost

-Njyenyine by Kid Gaju / Directed the Benjamin

-I love you by Peace / Directed by David

-Ndagukunda by B Gun / Directed by The Benjamins

Abatunganya indirimbo z’amashusho bazavamo uwa mbere w’uku kwezi ni: Cedru, Enos, Meddy Saleh, David, The Benjamins, Ma~RivA, IBLab na Cord/Gost

Tubibutse ko gutora kuri sms wandika wandika ijambo ‘ZIKUNZWE’ – izina ry’indirimbo wahisemo cyangwa producer, hanyuma ukohereza ku 5000. Aya manota akaba afite 30%, mu gihe gushyira igitekerezo kuri facebook www.facebook.com/10zikunzwe byo ari 15% naho inshuro indirimbo iba yararebwe(views) bihabwa 5%, mu gihe amanota atangirwa muri press conference n’abanyamakuru n’izindi nzobera yiharira 50%.