Abantu 10 batawe muri yombi kuri uyu wa mbere mu myigaragambyo isaba ifungurwa rya Bobi Wine

kuri ubu inzego zishinzwe umutekano zirimo gukoresha ibyuka biryana mu maso no kurasa mu kirere zigamije gutatanya abigaragambya buzuye imihanda mu bice no mu bihe bitandukanye. Amofoto ashyirwa ku mbuga nkoranyambaga arerekana ibyotsi bizamuka n'inzego zishinzwe umutekano zambariye zisa n'izambariye urugamba.

Abigaragambya bararirimba amagambo yumvikanamo intero ya Bobi Wine, People power, our power, bagaragaza ko ubushobozi bwose ari ubw'abaturage. Aba bigaragambya kandi barashinja Leta ya Uganda guta muri yombi no gukorera iyicarubozo Depite Bobi Wine n'abandi batawe muri yombi mu mujyi wa Arua ku wa mbere w'icyumweru gishize.

Kuri uyu wa mbere aho imyigaragambyo yari ifite ingufu ni ku muhanda ugana ku isoko rya Kisekka, Namirembe na Kikuubo. Abigaragambya barasaba ko uyu mudepite uhagarariye Uburasirazuba bwa Kyadondo arekurwa. Abarenga icumi batawe muri yombi mu mukwabo watangijwe na ACP Denis Namuwooza, icyakora aba biyongera ku bandi 20 batawe muri yombi mu cyumweru gishize.