Abasaga 2000 baguye mu mutingito ukomeye wabaye mu gihugu cya Nepal-AMAFOTO

Nk’uko urubga rwa BBC rubitangaza, abaturage bo muri iki gihugu bamaze gukurwa mu mazu yabo bubakirwa amahema ngo bahunge uyu mutingito ukomeye cyane dore ko wageze no mu bihugu bituranye na Nepal nk’u Buhinde, Bangladesh, Tibet ndetse no ku musozi wa Everst.

Abaturage bahungiye mu mahema ahitaruye umujyi

N’ubwo abagera kuri 2200 aribo gusa bamaze kumenyekana ko bahitanywe n’uyu mutingito abayobozi b’iki gihugu baratangaza ko hakiri abandi benshi bataraboneka n’ubo barimo gukoresha uko bashoboye ngo bashakishe uko babatabara.

N'ubwo imirambo 2200 ariyo gusa imaze kuboneka, haracyacukurwa amazu yaguye ngo barebe ko hari abagihumeka

Uyu mutingito wibasiye cyane cyane  umurwa mukuru Kathmandu ndetse n’umujyi wa Pokhara ku gipimo cya magnitude 7,8

Iki gihugu cya Nepal, gituwe n’abaturage basaga miliyoni 27, kiri ku mugabane wa Aziya, giherereye hagati y’igihugu cy’u Buhibde, u Bushinwa na Bangladesh.

Reba amafoto y’uko bimeze

Amarira ni menshi ku baburiye ababo muri uyu mutingito

Haracyakorwa ubutabazi bw'ibanze

 Denise IRANZI