Ihere ijisho imbere n'inyuma indege ihenze ya Lionel Messi - AMAFOTO

Abakinnyi Messi yafashije kugera muri Argentina bavuye i Burayi barimo Marcos Acuna, Lucas Ocampos, Paulo Dybala, Nicolas Otamendi na Juan Foyth.

Aba bakinnyi bose bahamagawe n'umutoza Lionel Scaloni, kugira ngo bafashe ikipe y'igihugu ya Argentina izwi nka Albiceleste kwitegura imikino yo gushaka itike y'igikombe cy'Isi kizabera muri Qatar 2022.

Argentina iritegura imikino ibiri izakina na Ecuador ndetse na  Bolivia muri iki cyiciro.

Iyi ndege ya Messi iri mu bwoko bwa Gulfstream V private jet, yayiguze mu mpera za 2018, ayitangaho Miliyoni 15 z'ama-Dollars ya amerika.

Iyi ndege ifite uburebure bwa metero 29 n'ubugari bwa metero 28, yakorewe muri Leta zunze ubumwe za Amerika mu 2002.

Mu busanzwe iyi ndege ikunze gukoreshwa na Messi n'umuryango we iyo bagiye mu biruhuko cyangwa Se iyo agiye mu bucuruzi.

Ifite imyanya myiza 16 yo kwicarwamo, ishobora gukurwamo ibitada umunani byo kuryamaho, ifite ubwogero bubiri ndetse n'ibikoni bibiri.

Ku gice cy'inyuma cy'iyi ndege handitseho nimero 10 zambarwa n'iki gihangange, mu gihe ku rwuririro ujya mu ndege handitseho amazina y'umuryango, Leo, umugore we Antonela, ndetse n'abahungu be Thiago, Mateo na Ciro.

Messi na bagenzi be basesekaye ku kibuga cy'imyitozo giherereye mu mujyi Buenos Aires, aho ikipe iri gukorera imyitozo.

Argentina izakina umukino wa mbere na Ecuador tariki ya 08 Ukwakira 2020, umukino uzabera La Bombonera muri Argentina, nyuma y'iminsi itanu ikine na Bolivia.

Indege bwite ya Lionel Messi yanditseho nimero yambara ku gice gihera

Imbere mu ndege

Ku rwuririro handitse amazina y'umuryango wa Messi