Umusifuzi wo ku ikoranabuhanga rifasha abasifuzi ( VAR) wo muri Bulgaria yahagaritswe nyuma y'uko afashwe ari gukora 'betting' ku mukino arimo arasifura ako kanya.
Ibi byabaye ku mukino wahuje ikipe yitwa CSKA Sofia na Lokomotiv Sofia muri shampiyona.
Ubwo uyu mukino waburaga iminota micye ngo utangire, umusifuzi wo kuri VAR yafashwe amashusho ari ku rubuga rwa 'Betting' agiye gutega uko umukino yari agiye gusifura uri burangire.
Nyuma y'uko aya mashusho acaracaye ku mbuga nkoranyambaga, abashinzwe ibijyanye na VAR muri shampiyona y'icyiciro cya mbere muri Bulgaria bahise bafata umwanzuro wo kuba bahagatitse uyu musifuzi.
Mu itangazo aba bafite inshingano za VAR bashyize hanze bagize bati"Hawk-Eye Innovations yemera kandi ikicuza ikibazo cyabaye kuru umwe mu bakoresha VAR mu mukino wa Parva Liga wahuje PFC CSKA-Sofia na PFC Lokomotiv Sofia.
Amashusho yavuye kuri Camera zo mu byumba byibikorwa bya VAR yerekana umuntu ukoresha teLefone ye mu gihe cy'umukino kandi agaragaza ko arigukora ibikorwa bidakwiye bishobora gutuma habaho imyitwarire idakwiye bijyanye n4inshingano ze".
Iyi kompanyi yavuze ko iri mu iperereza rya nyaryo nyuma y4uko ibaye ihagaritse uyu musifuzi.
Yavuze ko kandi " Mu gihe umuntu bigaragaye ko yishoye mu bikorwa nk'ibi bidakwiye, tuzamwirukana kandi dukurikije amasezerano dufitanye. ”
Umusifuzi yagaragaye ari ku 'betting' ku mukino yari arimo gusifura
TANGA IGITECYEREZO