RFL
Kigali

COVID-19: Icyorezo kitarebera izuba abakomeye ku isi

Yanditswe na: Christian Mukama
Taliki:4/10/2020 8:48
0


Ubwo iyi nkuru yandikwaga, imibare y’abanduye COVID-19 ku isi hose bari bamaze kugera kuri miliyoni 34.7 naho abandi basaga miriyoni 1 bo bahitanwe n’iki cyorezo nk'uko tubikesha Kaminuza ya Johns Hopkins. Ku isi yose abantu basaga miliyoni 24 bamaze gukira iyi ndwara. Iyi ndwara n’abayobozi bakuru b’ibihugu na bo ntiyabarebeye izuba



Donald Trump

Ku munsi wo ku wa gatanu inkuru y’imvaho yakomeje kugarukwaho ku isi yose yavuga uko perezida Donald Trump w’imyaka 74 yanduye icyorezo cya COVID-19. Binyuze ku rubuga rwe rwa Twitter, uyu mugabo ucumbitse muri “White House”, yitangarije ko we n’umufasha we ibipimo bya COVID-19 byemeje ko barwaye iyi ndwara. Magingo aya, aba bombi bari kwitabwaho n’abaganga mu bitaro bya gisirikare bya Walter Reed.

Igihugu cya Leta Zunze Ubumwe z’Amerika kimaze kugira ubwandu ni 7.378.171. Abamaze gukira iki cyorezo ni miriyoni 2.897.322 na ho abahitanywe na cyo ni 209.3328. Muri Amerika na none intumwa za rubanda zigera kuri 17 na zo zanduye iki cyorezo. Ku rutonde rw’abayobozi bakuru b’ibihugu bikomeye na za guverinoma rwiyongeraho abandi benshi.

Boris Johnson

Mu mpera za Gicurasi ni bwo minisiteri w’intebe w’Ubwongereza, Boris Johnson yanduye icyorezo cya COVID-19. Nyuma yo kugira ibimenyetso nko guhinda umuriro ndetse n’ibindi, akabimarana iminsi 10, Johnson yajyanwe mu bitaro kugeza n’ubwo byabaye ngombwa ko yongerwa umwuka.

Igihe uyu mukuru wa guverinoma yarwaraga iki ndwara, yari afite imyaka 55. Muri uku kwezi kwa gatatu, Johnson yagiye akomeza kunengwa kubera poritiki ye yo gukumira iki cyorezo. Ubwongereza bumaze kugira ubwandu 482.654, abakize na bo bakaba 2.396 nuko imfu zigeze ku 42.407.

Igikomangoma Charles

Igikomangoma Charles ni umwana w’imfura w’umwamikazi Elizabeth II w’Ubwongereza. Ubwo yaganiraga n’igitangazamakuru Sky News, uyu mukambwe w’imyaka 71 yavuze ko yagize amahirwe. Charles yakize iki cyorezo nyuma yo kumara iminsi 7 mu kato mu nzu ye iherereye ahitwa Birkhall

Juan Orlando Hernandez

Juan Orlando Hernandez ni perezida w’igihugu cya Honduras. Iki gihugu ni kimwe mu bindi byinshi biherereye muri Amerika y’Epfo bikiri mu nzira y’amajyambere. Hernandez w’imyaka 5, muri Nyakanga nib wo yanduye iyi ndwara ya COVID-19 ndetse n’umusonga.

Jair Bolsonaro

Jair Bolsonaro ni perezida w’igihugu cya Brazil. Kuva tariki ya mbere Mutarama 2019, Bolsonaro yabaye perezida wa Brazil wa 38. Kuva icyorezo cya Corona Virus, yagiye agaragaza intege nke mu bijyanye na gahunda yo guhangana na COVID-19 ahubwo agashyira imbere ibijyanye n’ubukungu. Ku myaka ye 65, Bolsonaro muri Nyakanga uyu mwaka ni bwo na we yanduye COVID-19.

Igihugu cya Brazil ni cyo cya 3 gifite ubwandu bwinshi ku isi dore ko abageze kuri 4.880.523 banduye COVID-19. N’ubwo umubare w’abanduye ari munini cyane, abagera kuri 4.324.676 bakize iki cyorezo abandi 145.388 bahitanwe na cyo. 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND