RFL
Kigali

Sadio Mané yishyize mu kato nyuma yo kwandura Coronavirus

Yanditswe na: SAFARI Garcon
Taliki:3/10/2020 14:27
0


Rutahizamu ukomoka muri Senegal ukinira ikipe a Liverpool yo mu Bwongereza, Sadio Mané, yishyize mu kato nyuma yuko kuri uyu wa Gatanu tariki ya 02 Ukwakira 2020, apimwe bagasanga yaranduye coronavirus.



Mané bamusanzemo Coronavirus hashize iminsi itatu  gusa Liverpool itangaje ko umukinnyi wayo wo hagati Thiago Alcantara uherutse kugurwa avuye muri Bayern Munich yo mu Budage bamusanzemo Covid-19.

Liverpool ivuga ko uyu rutahizamu ubahetse ku mugongo yagaragaje ibimenyetso byoroheje bya virusi ariko muri rusange yumva ubuzima bumeze neza.

Mané w'imyaka 28, yatsinze igitego mu mukino wa shampiyona Liverpool yatsinzemo Arsenal ibitego 3 - 1 ku wa mbere, ariko ntabwo yakinnye uwa Carabao Cup iyi kipe yatsinzwe na Arsenal kuri penaliti ku wa kane.

Itangazo ryo ku rubuga rwa internet rwa Liverpool ryongeyeho riti:

"Cyo kimwe no kuri Thiago Alcantara, Liverpool irimo gukurikiza - kandi izakomeza gukurikiza - amabwiriza yose ajyanye na Covid-19 ndetse Mané azishyira mu kato mu gihe cyagenwe".

Mané, umaze gutsindira Liverpool ibitego bitatu muri uyu mwaka w'imikino, ubu ntazakina umukino wa Premier League wo kuri iki cyumweru uhuza Liverpool na Aston Villa, mbere yuko haba akaruhuko k'imikino mpuzamahanga.

Umukino wa mbere wa Liverpool wa nyuma y'icyo gihe, uzaba ari 'derby' ku kibuga cya Everton ku itariki ya 17 y'uku kwezi kwa 10.

Ku wa mbere, ubuyobozi bwa Premier League bwatangaje ko abantu 10 babasanzemo coronavirus mu bipimo bishya byari bimaze gufatwa icyo gihe.

Uwo ni wo mubare wa mbere munini ubonetse w'abanduye coronavirus bo muri Premier League kuva uyu mwaka w'imikino watangira.


Mane watsindie Liverpool ku mukino wa Arsenal ubu ari mu kato nyuma yo kwandura COVID-19

Mane niwe kapiteni w'ikipe y'igihugu ya Senegal






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND