Kigali

Ibihugu birenga 60 bikize byinjiye muri gahunda ya OMS yo gukwirakwiza urukingo rwa Covid-19

Yanditswe na: Liliane Kaliza
Taliki:22/09/2020 15:03
0

Ibihugu birenga 60 bikize byinjiye muri gahunda ishyigikiwe na OMS mu rwego rwo korohereza ibihugu bikennye kubona inkingo za Coronavirus, gusa Amerika n'u Bushinwa ntabwo biri ku rutonde rwashyizwe ahagaragara.



Ishami ry'Umuryango w'Abibumbye ryita ku Buzima OMS ryifatanije n’itsinda ry’umuryango w’ubumwe bw’inkingo Gavi hamwe n’umuryango uhuriweho n’udushya tw’ibyorezo by’indwara (CEPI) ryashyizeho uburyo bugamije gukwirakwiza neza inkingo zose za Covid-19, ariko ubwo buryo buzwi ku izina rya Covax, bufite ikibazo cyo gukusanya inkunga ikenewe kugira ngo ibihugu 92 byinjiza amafaranga make byiyandikishe vuba.

OMS yari yashishikarije ibihugu bikize kwiyandikisha mu mpera z'icyumweru gishize , 64 byamaze kwiyandikisha  ibindi 38 biteganijwe ko bizinjira mu "minsi iri imbere", nk'uko iyi miryango uko ari itatu yabitangaje.

Umuyobozi wa Gavi, Seth Berkley, yagize ati: "Intego y’ikigo cya Covax ni ukugerageza gukorana n’ibihugu byose byo ku isi." Ati: "Nshobora kwizeza ko twaganiriye kandi ko tuzakomeza kugirana ibiganiro n'ibihugu byose".

OMS yavuze ko hakenewe miliyari 38 z'amadolari muri gahunda rusange ya ACT-yihuta, ikubiyemo Covax, ariko kandi n'ubufatanye ku isi hagamijwe guteza imbere no guharanira ko habaho ibizamini bivurwa na Covid-19, no gushimangira gahunda z'ubuzima. Ariko kugeza ubu imaze kwakira miliyari 3.0 z'amadolari gusa.

Umuyobozi wa OMS, Dr Tedros Adhanom Ghebreyesus, yatangaje ko afite icyizere ko ibihugu byinshi - bihagarariye hafi bibiri bya gatatu by'abatuye isi byemeye kugira uruhare muri ubwo buryo. Muri iryo tangazo yagize ati: "Covid-19 ni ikibazo kitigeze kibaho ku isi gisaba ko isi yakwitabwaho mu buryo butigeze bubaho." Ati:  "Iyi ntabwo ari imfashanyo." Ni inyungu za buri gihugu. Turi mu bwato bumwe turahitamo gufatanya tuvugame twambuke cyangwa se twese turohame."

 Src: AFP






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND