Mohamed Farah, wavukiye i Mogadishu muri Somalia ariko akaba afite ubwenegihugu bw’Abongereza, yaciye agahigo ku Isi yiruka metero 21,330 mu gihe cy'isaha imwe, akuraho agahigo k'Umunya-Ethiopia Haile Gebrselassie mu 2007 wari wirutse metero 21,285 mu isaha imwe.
Mo
Farah w'imyaka 37, usanzwe ufite imidali ine ya Olympique, yaciye kuri uyu wa
gatanu tariki 04 Nzeri 2020, mu masiganwa ya Diamond League yabereye i Buruseli
mu murwa mukuru w'Ububiligi.
Ni ko
gahigo ka mbere Mo Farah yegukanye mu masiganwa abera hanze (atari ku bibuga
by'imikino).
Nta
bafana bari bahari kubera amabwiriza yo kwirinda coronavirus.
Farah
yagize ati: "Ntabwo biba byitezwe ko byoroha guca umuhigo w'isi, ariko
nababwira ko byari bikomeye rwose. Aka gahigo kari kamaze igihe kirekire
cyane".
"Rero
ibyo bisobanuye byinshi. Ndishimye cyane kuba nongeye gusiganwa hanze. Kongera
gusiganwa hanze kwanjye kwa mbere ni byo byanteraga imbaraga".
Muri
uko kwiruka kudakunze kubaho, abasiganwa ku maguru bagerageze kwiruka intera
ndende ishoboka mu gihe cy'iminota 60.
Farah
aheruka gusiganwa mu kwezi kwa cumi umwaka ushize muri Chicago Marathon
Mbere
yaho, Umunya-Ethiopia w'igihangange mu kwiruka Haile Gebrselassie yari yavuze
ko yizeye ko Farah aba umuntu wa 12 uciye uyu muhigo waciwe bwa mbere
n'Umwongereza Alfred Shrubb mu 1904.
Mo Farah yari asanzwe afite imidali ibiri ya
Olympique mu gusiganwa metero 10000 no mu gusiganwa metero 5000.
Aka gahigo kari gasanzwe gafitwe n'Umunya-Ethiopia
Gebrselassie wagaciye mu 2007 i Ostrava muri Repubulika ya Tchèque.
TANGA IGITECYEREZO