Kigali

Mali: Ibrahim Boubacar Keïta wahoze ari Perezida w'iki gihugu akaza guhirikwa ku butegetsi arembeye mu bitaro

Yanditswe na: Niyibizi Honoré Déogratias
Taliki:2/09/2020 16:28
0

Mu kwezi gushize ni bwo Ibrahim Boubacar Keïta wahoze ari Perezida w’igihugu cya Mali yahiritswe ku butegetsi n’igisirikare cya Mali ndetse bigahita bitangazwa ko yatawe muri yombi. Nyuma yaje kurekurwa ku gitutu cy'amahanga, agumishwa iwe mu rugo. Kuri ubu BBC dukesha iyi nkuru iratangaza ko arwariye mu bitaro mu murwa mukuru Bamako.



Mbere y'uko Ibrahim Boubacar Keïta ahirikwa, abatavuga rumwe n'ubutegetsi bari bamaze amezi basaba ko yegura, bamushinja kuba intandaro yo kuzamba k'ubukungu, ruswa no kunanirwa guhashya intagondwa zigendera ku mahame akaze ya kisilamu. Akimara guhirikwa mu kwezi gushize kwa munani, yatangarije kuri televiziyo y'igihugu ko yeguye.

Bwana Ibrahim Boubacar Keïta w'imyaka 75, yafunzwe iminsi 10 n'agatsiko k'abasirikare kamuhiritse. Ubwo ibiganiro by'ubuhuza hagati y'intumwa z'umuryango w'ubukungu w'ibihugu byo mu burengerazuba bw'Afurika (CEDEAO/ECOWAS) n'agatsiko k'abasirikare kamuhiritse k’ubutegetsi. Amagambo yatangajwe na Keita yakomeje kwemezwa y'uko yavuze ko mu itangazamakuru avuga ko adashishikajwe no kuba Perezida.

Kuri ubu rero nk'uko bitangazwa n'ibiro ntaramakuru Associated Press mu kiganiro bagiranye n’abantu babiri batatangajwe umwirondoro bari ku ivuriro bivugwa ko uyu wahoze ari Perezida wa Mali ari ryo ari kuvurirwamo.

Src:bbc.com






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND