Abishwe na Coronavirus mu Buhinde bamaze kurenga 50,000, mu masaha 24 ashize handuye abangana na 57,981

Ubuhinde, Igihugu cya kabiri ku isi gituwe cyane, mu masaha 24 ashize cyagize abantu banduye bangana  57.981, bose hamwe bamaze kuba abantu 2,647.663, mu gihe abandi bantu 941 bashya bapfuye, kuri ubu abamaze gupfa bose hamwe baragera ku 50,921.

Ubuhinde nicyo gihugu cya gatatu inyuma ya Berezile na Amerika, gifite abantu benshi banduye  barenga miliyoni 2, ariko gifite umubare muto w'abantu bapfa bangana na 1.9 ku ijana, ugereranije n'ikigereranyo cya 3.5% ku isi.

Kuri uyu wa mbere, Ubuhinde bwakoze ibizamini birenga 730.000 kuri COVID-19 mu masaha 24 ashize, nk'uko inama y’Ubuhinde ishinzwe ubushakashatsi mu buvuzi, ikigo cya leta gishinzwe ubushakashatsi ku mavuriro yabitangaje, Abahanga bavuze ko ibipimo byo kwipimisha mu Buhinde biri hasi cyane, kandi ibyo bishobora guhisha urugero nyarwo rw’abanduye coronavirus.

Kuva ku ya 30 Nyakanga, Ubuhinde bwandika byibuze abantu 50.000 bashya banduye ku munsi kubera ko iyi ndwara imaze gukwirakwira mu mijyi minini nka Mumbai na Delhi ikagera mu bice bikennye nka Uttar Pradesh na Bihar.

Ku ya 25 Werurwe, iki gihugu cyashyizeho ingamba zikomeye zo gukumira iki cyorezo. Ibibujijwe byagiye byoroha buhoro buhoro ari nabwo ibintu byatangiye kuzamba cyane guhera mu ntangiriro za Kamena ariko mu bice byinshi byo mu Buhinde, ubwikorezi rusange, sinema ndetse n’amaduka bikomeza gufungwa.

Src: Reuters