Kim Kardashian umwe mu bagore 6 b’ibyamamare bavuzwe mu rukundo na Cristiano Ronaldo-AMAFOTO

Amakuru yagiye atagwa n’ibinyamakuru bitandukanye yemeza ko abakobwa nibura 6 bafite amazina akomeye ku mubumbe  bagiye bavugwa mu rukundo n’uyu mukinnyi w’ikirangingirire ku Isi ubu ukina mu Ikipe ya Juventus.

Kuva yabica bigacika mu ikipe Man United, Cristiano Ronaldo ni ho abagore n’abakobwa bamusariye. Reka turebe bamwe mu bavuzwe mu rukundo na Ronaldo mbere y'uko ahura n’umugore we Georgina Rodriguez, babana magingo aya.

1.Kim Kardashian

Kim Kardashian, amakuru avuga ko yahuye na Ronaldo mbere y'uko ahura n’Umuhanzi w’icyamamare Kanye West. Kim na Ronaldo bahuraga rwihishwa cyane, kiriya gihe, Kim Kardashian yari mu biruhuko byiminsi itatu muri Espagne atarahura na Kanye West.

2.Irina Shayk

Umunyamideli w’u Burusiya, birashoboka ko ari we Ronaldo yakundanye nawe igihe kirekire, bakamarana imyaka itanu. Irina Shayk na Ronaldo wakiniraga Real Madrid bakundanye hagati ya 2010 na 2015 mbere y'uko banyura inzira zitandukanye.

3. Bibashi Basu

Ronaldo n'umukinnyi w'amafilime wo mu Buhinde, Bibashi bavuzwe mu rukundo, aba bombi bigeze kugaragara basomana mu gutanga ibihembo kuri filime za Bollywood mu gushimangira umubano wabo watangiye kuva 2007.

 4. Gemma Atkinson

Gemma, ni Umukinnyi wa Filime w’Umwongereza wakunze no kwamamaza amasabune cyane. Uyu nawe yakundanye na Ronaldo. Bombi bari nabo bakundanye mu 2007 ariko bakundana amezi ane gusa.

5.Luana Belletti

Umunyamideli Luana Belletti yakundanye na Ronaldo mu 2009.a Amakuru avuga ko uyu mukobwa yamenyanye na Ronaldo binyuze kuri murumuna w'uyu mukobwa ukina umupira w’amaguru bita Juliano Belletti.

Igihe, Juliano yarimo yerekeza muri Premier League muri Chelsea, byaje kuba inzira nziza y'uko mukuru we Luana amenyana na Cristiano. N'ubwo uyu mukobwa yari umunyaburanga, ntabwo bamaranye kabiri. 

6.Desiree Cordero

Desiree Cordero ni umukobwa w’uburanga ukunzwe cyane ku mbuga nkoranyambaga muri Espanye, ni Umunyesipanyoli wavuzwe mu rukundo na Cristiano mu mwaka wa 2016.