Ahabanza Imikino

Floyd Mayweather yiyemeje kugura ikipe ya NewCastle United yo mu Bwongereza

Yanditswe na: SAFARI Garcon
Taliki:11/03/2020 14:28 0

Umunyabigwi wamamaye mu mukino w’iteramakofe ku Isi, Floyd Mayweather, wasezeye muri uyu mukino, yiyemeje gushora imari mu mupira w’amaguru akagura ikipe ya NewCastle United yo mu cyiciro cya mbere muri shampiyona y’u Bwongereza izwi nka ‘English Barclays Premier League”.

Newcastle United iri ku isoko nyuma y’aho umuherwe Mike Ashley wari uyifite atangaje ko ashaka kuyigurisha. Floyd Mayweather yasamiye hejuru iyo nkuru agaragaza ko yifuza kuyishoramo imari akayigura.

Muri Mutarama 2020, umuherwe wo mu gihugu cya Saudi Arabia yavuze ko ashaka kugura iyi kipe ariko nyuma yisubiraho agaragaza ko uwo mushinga yawuhagaritse.

Dailymail yanditse ko Mayweather ashaka gufata ku mafaranga yakoreye mu mukino w’iteramakofe ayashore mu mupira w’amaguru aho yifuza kugura NewCastle United akayigira ikipe ikomeye cyane.

Mayweather uri mu bakinnyi bake bafite imitungo myinshi kurusha abandi, mu minsi mike yaje muri bake cyane bujuje miliyari y’amadolari. Kuri we bgo uretse urupfu rwonyine naho ibindi ntacyamunanira.

NewCastle igiye kugurwa na Mayweather iri ku mwanya wa 13 muri shampiyona y’u Bwongereza.

Mayweather agiye kugura NewCastle United