RFL
Kigali

Coronavirus yishe umuntu wa mbere muri Afurika

Yanditswe na: Liliane Kaliza
Taliki:9/03/2020 10:58
0

Mukerarugendo ukomoka mu Budage wari uri kuvurwa coronavirus mu Misiri ni we muntu wa mbere yishe utangajwe ku mugabane w'Afurika.



Uwo mugabo w'imyaka 60 y'amavuko yari yageze mu Misiri mu cyumweru gishize avuga ko yumva ari guhinda umuriro. Yajyanywe ku bitaro byo mu gace ko kuruhukiramo ka Hurghada ko ku nkengero y'inyanja itukura - Red Sea - ngo ahavurirwe ari naho baje kumusangamo coronavirus.

Ibiro ntaramakuru AFP bitangaza ko guhumeka kwe kwari kubangamiwe no "kwangirika gukomeye kw'ibihaha". Uwo murwayi yapfuye nyuma yo kwanga kwimurirwa mu cyumba cyo kwa muganga cyo mu kato.

Ku wa Gatandatu, Minisiteri y'ubuzima ya Misiri yatangaje ko hari abantu 45 bashya banduye coronavirus barimo n'abagenzi bari mu bwato - bituma umubare w'abamaze kuyandura bose hamwe muri icyo gihugu ugera kuri 48.

Ubwo bwato bwashyizwe mu kato ndetse abanduye bakurwamo bashyirwa ahantu habugenewe h'akato haherereye mu Majyaruguru y'icyo gihugu. Imibare y’abanduye muri Afurika yariyongereye cyane, Misiri: 48, Algeria: 17, Sénégal: 4, Afurika y'Epfo: 3, Maroc: 2, Cameroun: 2, Tunisia: 1, Togo: 1, Nigeria: 1

Src: BBC






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND