CECAFA Women Championship: Jentrix Shikangwa yafashije Harambee Starlets kwambura igikombe Tanzania

Ni irushanwa ryatangiye Tariki 16 Ugushyingo 2019 rikaba ryasojwe ku gicamunsi cyo kuri uyu wa mbere, ibihugu umunani birimo Tanzania, Uganda, Burundi, Djibouti, Zanzibar, Kenya, Ethiopia na Sudan y’Amajyepfo. Akaba yari agabanyijemo amatsinda abiri:

Group A: Uganda, Kenya, Ethiopia na Djibouti

Group B: Tanzania, Burundi, Zanzibar na South Sudan

Mu mikino ya ½ ikipe y’igihugu ya Kenya yanyagiye Uburundi ibitego 5-0, ihita ikatisha tike yo ku mukino wa nyuma, undi mukino Tanzania yatsinze Uganda igitego 1-0, mu mukino wari ukomeye.

Ku gicamunsi cyo kuri uyu wa mbereTanzania yari imbere y’abafana bayo, yari inafite ibikombe bibiri byaherukaga gukinirwa yakinaga na Kenya itaratwara igikombe na kimwe, ariko ikaba yari yarasoje ku mwanya wa kane mu irushanwa riheruka ryabereye mu Rwanda.

Wari umukino abanya Tanzania bari bakeneyemo intsinzi kugira ngo bakore amateka yo kwegukana igikombe cya gatatu bikurikiranya, ariko Inkumi za Kenya ntizigeze ziha ubuhumekero Tanzaniya kuko babifashijwemo na rutahizamu wabo Jentrix Shikangwa yatsinze ibitego 2 wenyine byahesheje intsinzi n’igikombe cya mbere igihugu cya Kenya.

Kenya ni inshuro ya mbere itwaye irushanwa rya CECAFA mu bagore, kure yari yarageze ni ku mukino wa nyuma mu mwaka wa 2016 mu irushanwa ryari ryabereye Uganda, ubwo Tanzaniya ariyo yatwaye igikombe itsinze Kenya ibitego 2-1.

Mu mukino wo guhatanira umwanya wa gatatu ikipe y’igihugu ya Uganda yatsinze uburundi igitego 2-0.

Rutahizamu Jentrix Shikangwa ukomoka muri Kenya yasoje irushanwa ariwe ufite ibikombe byinshi kuko yatsinze ibitego birindwi.

CECAFA yaherukaga kuba yari yabereye mu Rwanda mu ntangiriro z’uyu mwaka maze yegukanwa na Tanzania ari nayo ifite CECAFA nyinshi kuko imaze kwibikaho ibikombe 2, mu gihe Kenya yari yasoje ku mwanya wa kane.

Abakinnyi 11 babanje mu kibuga ku ruhande rwa Kenya ku mukino batwayemo igikombe

Wari umukino ukomeye ku mpande zombi

Mwanalima Jereko ukinira Kenya yishimira intsinzi babonye

Rutahizamu Jentrix Shikangwa watsinze ibitego bibiri, akaba yasoje irushanwa afite 7

Abakinnyi ba Kenya bishimira igikombe batwaye

Ikipe y'igihugu ya Uganda yabaye iya gatatu itsinze uburundi ibitego 2-0

Umwanditsi – SAFARI Garcon – inyarwanda.com